فریدون احمدی قیته‌دن غزنی شهرداری ایتیب تعین لنگن‌لیگی‌گه قرشی یوزلب کیشی اعتراض بیلدیریلدی. غزنی‌نینگ یوزلب اهالی‌سی بوگون یول یوریب نمایش اوتکزدیلر. اوشبو اعتراضچی‌لر شهیدان تورت یولی‌ده ییغیلیب ایکّی ساعت‌گچه کابل – قندهار عمومی ترانسپورت یولینی ترافیک یوزیگه باغله‌گن‌لر.
شونینگ‌دیک اعتراضچی‌لر ولایت‌نینگ عملده‌گی شهرداری، سابق غزنی شهردارلیگی لوازمی‌ده وظیفه بجرگن پیت‌ده اوچ یوزمینگ افغانی مبلغ‌نی اوغیرله‌گنی همده اون مینگ جریب ییرنی تارتیب آلگن‌لیکنی ادعا قیلگن‌لر.
عین‌حالده، اعتراضچی‌لر احمدی‌نی قوملر اورته‌سیده ایرمه‌چیلیک‌که قول اورگن‌لیک‌ده عیبله‌گن‌لر.
اعتراض‌ده قتنشگن غزنی ولایت کینگشی‌نینگ اعضاسی عبدالجامع‌جامع نینگ سوزلریگه کوره، نمایشچی‌لرنینگ ایستک‌لریگه ایجابی جواب بیریلمه‌گن حالده، ییریک بیر ییغین اوتکزیب کابل – قندهار یولینی ترافیک یوزیگه یاپیشلری باره‌سیده آگاهلنتیرگن. عین حالده، بو ولایت شهردارلیک اداره‌سی قرشی‌سیده تحصن چادری تیکلیمیزدیگن جناب جامع.
جناب جامع، مرکزی حکومت اعتراضچی‌لر ایسته‌گی انابت‌گه آلینیشی اوچون بیر هفته مهلت بیرگن لیگی‌نی تیل‌گه آلگن.
لیکن، غزنی شهرداری فریدون احمدی‌نینگ سلام‌وطندارگه بیلدیریشیچه، مذکور اعتراض‌لر هیچ بیر معین قوم تامانیدن یول‌گه قوییلمه‌گن؛ بو حرکت معین گروه‌لر تامانیدن ریجه لنتیریلگن.
جناب احمدی، برچه عیب‌لاولرگه جواب بیریش اوچون تیار ایکن‌لیگینی تیل‌گه آلگن.
