قوراللی طالبلر مرکزی بغلان تومنینینگ یشاوچیلریگه، بوندن بویان قضایی دوسیهلری و باشقه قیین چیلیکلری حلّی اوچون حکومتگه مراجعه قیلمسلیکلری بارهسیده آگاهلنتیریگنلر. طالبلر، اهالیدن بوندن بویان اوشبو حرکت تامانیدن یقینده تاسیس ایتیلگن کمیسیونگه مراجعه قیلیشلرینی سورهگن.
سلاموطندار ترماغی بیلن مخصوص صحبت اوتکزگن بغلان ولایت کینگشینینگ اعضاسی بسم اللهعطاش نینگ سوزلریگه کوره، قوراللی طالبلر مرکزی بغلان تومنینینگ یشاوچیلریگه قضایی همده عدلی مسالهلر اوچون حکومت ادارهسیگه مراجعه قیلگن تقدیرده، اوشبو گروه تامانیدن جزالهنیشلری بارهسیده آگاهلنتیرگنلر.
جنابعطاش، مرکزی بغلان، دندغوری و تاله وبرفک تومنلریده قوراللی طالبلر نظارتیده بولگن قیشلاق اهالیسی کوندهلیک موجود قیین چیلیکلری بر طرف ایتیلیشی اوچون طالبلر تامانیدن تاسیس بولگن کمیسیونگه مراجعه قیله دیلر دیدی.
ولایت کینگشینینگ مذکور اعضاسی، بو منطقهلرده حکومتنینگ هیچ قندهی حاکمیتی یوق، انه شو سبب طالبلر ایستهگن نرسهسینی قیلیشگه حرکت قیلهدی دیگن.
بغلان پولیس قوماندانلیگینینگ سوزلاوچیسی ذبیح الله شجاع موضوعنی تصدیقلب، اوشبو منطقهلر جنگری طالبلر نظارتی دن چیقاریلیشی اوچون افغان ملی کوچلری یقینده ییریک حربی عملیات اوتکزیشلرینی بیلدیرگن. اونگه کوره، یقین کیلهجک ده بو منطقهلر قوراللی طالبلر دن تازهلنهدی.
بوندن آلدین هم قوراللی طالبلر مرکزی بغلان و دندغوری منطقهلریده نظارتلر آستیده بولگن قیشلاقلرده بیر قنچه اهالینی حکومتگه همکارلیک قیلگن لیکده عیبلب صحرایی محکمه قیلیب، آتیب اولدیرگن ایدی.
