کابل- بامیان قتناو یولیدن تورت یولاوچی قوراللی کیشیلر تامانیدن اوغیرلنگن.
میدانوردک ولایتینینگ جلریز تومنیدن بیر معتبر منبع آتی فاش ایتیلیشینی ایستمهی سلاموطندارگه ایتیشیچه، اوتگن کون کیچ قورون ( یکشنبه) قوراللی کیشیلر بیش یولاوچینی ملاخیل منطقهسیدن اوغیرلگن و اوغیرلنگنلردن بیری نیچه ساعتدن کیین، قوییب یوباریلگن. بیراق، اولردن باشقه 4 تهسی اوغیرلاوچیلر آرقهلی نامعلوم ییرگه آلیب کیتیلگن.
میدانوردک حاکمی سوزلاوچیسی عبدالرحمان منگلنینگ سلاموطندارگه ایتیشیچه، اوغیرلنگنلردن 2 تهسی کابل بیلیم یورتی اوقووچیلریدن و باشقهسی میدانوردک ولایتینینگ بهسود تومنیدن ایکن.
منگلگه کوره، جلریز تومنی قوم بویوکلرینینگ اولرگه ایشانچ بیریشیچه، اوغیرلنگنلرنی تیزلیکده قوراللی کیشیلر قولیدن قوییب یوبارهدیلر.
ایتیش لازم، شونینگدیک اوتگن کون میدانوردک ولایتینینگ دایمیرداد تومنیدن قوراللی کیشیلر 12 کیشینی اوغیرلگن و اولردن 6 تهسی حاضرگچه اوغیرلاوچیلرنینگ قملیده قالگن.