بدخشان حاکمینینگ مطبوعات دفتری، مذکور ولایتنینگ خاش تومنیگه طالبلرنینگ گروهی هجومیدن خبر بیرهدی. بدخشان حاکمی سوزلاوچیسی نوید فروتن سلاموطندار بیلن صحبت اوتکزیب ایتیشیچه، اوتگن کیچه (یکشنبه) طالبلر خاش تومنیگه هجوم اویوشتیرگن. بیراق، مذکور تومننی تصرف ایتیش سعی و حرکتلری مغلوبیتگه روپهره بولگن.
جناب فروتنگه کوره، اوتگن کیچهگی توقنهشوولرده طالبلر آغیر قربانلیک بیرگن، بیراق رقمی حاضرگچه بیللی بولمهگن.
عین حالده، قوراللی طالبلر، میدیاگه بیر خبرنامه صادر ایتیب و خاش تومنینینگ برچه امنیتی قرارگاهلرینی نظارتگه آلگنیدن خبر بیرگن.
طالبلرنینگ خبرنامهسیده کیلیشیچه، تومن بناسینی اولر قورشاوگه آلیب و خاش تومنیگه کیلهدیگن یوللر امنیتی کوچلر یوزیگه یاپیلگن.
طالبلر اوشبو هجومنی عمری عملیاتنی بیر قسمی دیب و ادعا قیلیشیچه، خاش تومنینینگ نیچه قیشلاغیگه قوشیمچه جرم تومنینینگ اوچ قیشلاغینی نظارتگه آلگنلر.
شونینگدیک، قوراللی طالبلرنینگ ایتیشیچه، امنیتی کوچلرگه آغیر زیان ییتکیزگن.
بیراق، بدخشان حاکمی سوزلاوچیسینینگ ایتیشیچه، خاش تومنینینگ برچه منطقهلری امنیتی کوچلر نظارتیده بولگن.
جناب فروتنگه کوره، قوراللی طالبلر، مذکور تومننی تصرف ایتیش سعی و حرکتیدن وازکیچمهی و قیتهدن هجوم اویوشتیریش اوچون ریجه تیارلهماقده. بیراق، بدخشان محلی رسمیلرینینگ ایتیشیچه، امنیتی کوچلر، طالبلرنینگ هجومینی باشقره آلهدی.