یره‌ش ناملی جرگه‌نینگ مسووللری، سونگی بیر یریم ییل جریانی‌ده حکومت‌نینگ تینچلیک مذاکره اوچون آلیب بارگن سعی وحرکتی ایجابی نتیجه بیرمه‌گن دیب، لایحه قیته کوریب چیقیلیشی‌نی تکلیف قیلگن‌لر.
جرگه‌نینگ اعضاسی همده سابق حکومت ایچکی ایش‌لر وزیری عمر داووزی بوگون (پنج‌شنبه) کابلده یولگن قوییلگن بیر خبری ییغین‌ده افغانستان‌ده تینچلیک اورنه‌تیش اوچون تشقی مملکت‌لر اینیقسه پاکستان‌دن یاردم کوتمسلیک کیره‌ک دیگن.
او، افغانستان‌ده تینچلیک تامین ایتیلیشی‌نینگ بیرینچی یولی افغان‌لر ارا جرگه اوتکزیش بیلن ممکن دیگن. یره‌ش جرگه‌سی حکومت و طالب‌لر اورته‌سیده واسطه‌چیلیک قیلیش‌گه تیار ایکن لیگینی بیلدیرگن.
تینچلیک جرگه‌سی‌نینگ مذکور اعضاسی، پاکستان افغانستان‌ده شخصی منفعتی‌گه ایریشمه‌گونگه قدر، بومملکت‌ده یره‌ش تامین بولمس لیگی اوچون قول‌دن کیلگونچه سعی وحرکت قیله‌دی دیگن.
داوودزی، افغان ملی کوچلری بیلن جنگریلر اورته‌سیده‌گی اوروش ده ایکّی تاماندن هم افغانستان‌لیک‌لر قربانلیک بیره دیدی. جنگریلرنینگ ایچیده اوله دیگن‌لرنینگ کم سانی چیت ایل‌لیک عیصانچیلر دیدی جناب داووزی.
تینچلیک جرگه‌سی‌نینگ باشقه بیر اعضاسی انورالحق احدی، افغانستان بحرانی اوروش یولی بیلن حل بولمیدی، برچه اوروش تامانلری مذاکره آرقه‌لی مملکت‌ده‌گی بحران‌گه پایان بیریش‌لری ضرور دیگن.
افغانستان، یشاووچی‌لری ایسته‌گی‌گه موافق تینچلیککه ایریشیش‌گه احتیاج بار دیدی جناب احدی.
مملکت عالی تینچلیک کینگشی‌نینگ اورین باسری عطالرحمان سلیم، بو کینگش دایم مملکت‌ده برقرارلیک اورنه‌تیلیشی اوچون سعی وحرکت قیله‌دی دیگن. اونگه کوره، کینگش مملکت‌ده‌گی برچه اوروش تامانلرینی تینچ لیک مذاکره‌سی‌گه چقیرگن دی.
شونینگ‌دیک تینچلیک کینگشی‌نینگ اورین باسری، حاضرگی کونده افغانستان حکومتی‌نی قورال‌لی طالب‌لر و اسلامی حزب رهبری گلبدالدین حکمیتار بیلن تینچلیک مراسه‌سی‌گه اوتلیریشی اوچون هیچ قنده‌ی بیر توسیق یوق لیگی اوستیده تاکید ایتگن.
تینچلیک جرگه‌سی‌نینگ مسووللری، سیاسی تحلیلچی‌لر سابق حکومت رهبری حامد کرزی و ملی بیرلیک حکومتی‌نینگ رهبرلری مملکت‌ده تینچلیک تامین ایتلیشی اوچون آلیب بارگن سعی و حرکت‌لری ایجابی نتیجه بیرم‌ی بلکه، مملکت‌ده وضعیت یامان لشگن‌لیگینی ایتگن بیر حالده، تینچلیک لایحه‌سی قیته کوریب چیقیلیشی‌نی تکلیف قیلگن‌لر.
