غزنی ولایت والیسینینگ سوزلاوچیسی جاوید سالنگینینگ سلاموطندار ترماغیگه بیرگن صحبتده، اوتگن کون قندهار – کابل عمومی یولیده قوراللی طالبلر تامانیدن اوغیرلنگن 9 کیشی دن 6 نفری بوگون (جمعه) آزاد قیلینگن لیگینی ایتگن.
قوییب یوباریلگنلر کیملیگی حقیده تفصیلات بیریشمهگن جناب سالنگی مذکور شخصلر هیچ قندهی بیر معاملهسیز آزاد ایتیلگن دیدی.
اما، ولایت عالی تینچلیک کینگشینینگ باشلیغی خلیل هوتک، آزاد ایتیلگن لر ملی کوچلر حربیلری ایکن لیگینی تیلگه آلگن. اونینگ سوزلریگه قره گنده، بو کیشیلر ولایت کینگشی اعضالری همده منطقه قوم یاش اولوغلری واسطه چیلیگی اساسیده قوییب یوباریلگنلر.
شونینگدیک جناب هوتک نانی قیشلاغی نینگ 4 یشاوچیسی اوغیرلنگن لیگی حقیده هم خبر بیرگن. ایتیلیشیچه، بو قیشلاق نینگ یشاوچیلری اوتگن کون کیچکی وقت ده قندهار – کابل یولیده اوغیرلنگنلر.
بیراق، غزنی ولایت پولیس قوماندانی و ملی اردونینگ سوزلاوچیسی اوغیرلنگن تورت کیشی بارهسیدهگی خبرنی رد قیلیب، هنوزگچه قندهار – کابل یولیده هیچ بیر کیشی اوغیرلنگن لیگی حقیده ملی کوچلرگه خبر کیلمهگن دیگن.
