فاریاب محلی مسووللری، ترکمنستان یاردملریدن 5 موترینی آقینه قتناو یولیده طالبان گروهی تامانیدن توختهتیلگنیدن خبر بیرگنلر.
ترکمنستان 3 کون آلدین افغانستان اهالیسیگه ایکینچیلیک محصولات، تخم، کیکوکلچه و ایچیملی مادهلر یاردم بیرگن ایدی.
فاریاب حاکمی نقیبالله فایق نینگ ایتیشیچه، مذکور یاردملرنی آقینه قتناو یولی آرقهلی، میمنه شهریگه انتقال بیریلیشی خصوصیده قرار قیلینگن ایدی، بیراق مذکور یاردملردن 5 موتری فاریاب ولایتی نینگ شیرینتگاب تومنیده طالبان تامانیدن توختهتیلگن.
جناب فایق نینگ ایتیشیچه، طالبان گروهی مذکور یاردملردن 10% نی آلیب و باشقهلریگه میمنه شهریده انتقال بیریلیشی اوچون رخصت بیریشلرینی بیلدیرگن ایدی، بیراق یاردملرنی انتقال بیرهدیگن موترلرگه 3 کوندن بویان یولگه چیقیش اوچون رخصت بیرمهگنلر.
طالبان گروهی حاضرگهقدر بوتوغریده صحبت قیلمهگن.
