افغانستان جمهور رییسی نینگ بیرینچی اورین باسری جنرال دوستم بوگون (شنبه) جوزجان ده بیر خبری ییغین ده، جنگری طالب لرنینگ ینگی رهبری مولو هیبت الله و ملا عمر نینگ اوغلی حقانی ترور ترماغی نینگ اداره سی آستیده فعالیت قیله دی دیگن. دوستم، اولرنینگ لوازمی نمادین ایکن لیگینی ایتگن. جنرال دوستم، جنگری طالب لرنینگ تینچ لیک مذاکره سیگه قوشیله دیگن اعضالری حقانی ترور ترماغی تامانیدن منع ایتیله دی دیگن.
جمهور رییس نینگ اورین باسری " ملا عمر اوغلی اداره سیده بولگن" طالب لردن تینچ لیک لایحه سیگه قوشیلش لرینی سوره گن. اونگه کوره، طالب لر حقانی ینه قوشنی مملکت لر استخبارات اداره سی طرفیدن الده لمس لیک لرینی طلب قیلگن.
باشقه تاماندن جنرال دوستم، جنبش جمعیت حزب لر اورته سیده یوز بیرگن توقنشولرگه اشاره قیلیب، بو واقعه لرنی آرتیده قوللر ایش لیدی دیگن. او، بعضی تیوه رک لر اوشبو ایکی حزب نی بیر – بیراوی بیلن تشلب شمال نی نا برقرار قیلیش لیککه حرکت قیله دیلر دیدی.
جنرال دوستم، بلخ ولایتیده گی طرفدار لریدن عطامحمد نورگه قرشی اوتکزیله دیگن ناراضلیک نمایش لرده اشترک قیلمس لیک لرینی سوره گن.
اخیرگی وقت لرده فاریاب، جوزجان و بلخ ولایت لریده جنبش و جمعیت حزب لری اورته سیده قرمه قرشی لیک لر میزانی آشگن.
