هرات پولیس قومندانلیگی سوزلاوچیسی عبدالرؤوف احمدی‌نینگ ایتیشیچه، اوتگن کون کیچ قورون، مذکور ولایت‌نینگ شیندند تومنی‌ده طالب‌لر تورت فوتبالچی‌نی اوغیرله‌گن. اونینگ ایتیشیچه، طالب‌لر اوشبو سپورتچی‌لردن بیری‌نینگ عین پیت‌ده اولدیرگن، باشقه 2 ته‌سی‌نی قوییب یوبارگن. تورتینچی‌سی‌نینگ تقدیری حاضرگه‌قدر معلوم ایمس.
جناب احمدی‌گه کوره، پولیس کشفی اداره‌لری تیکشیروولری‌نی باشله‌گن و اوشبو سپورتچی‌نی قوییب یوباریش اوچون سعی و حرکت دوام ایتماقده.
اوشبو واقعه دلیلی حاضرگچه معلوم ایمس. هرات پولیس قومندانلیگی‌گه کوره، اوشبو سپورتچی‌لر، توسیلگن منطقه‌ده فوتبال اوینه‌یدی ایکن.
بیراق، اوشبو واقعه گواه‌لری‌نینگ سلام‌وطندارگه ایتیشیچه، مذکور تورت کیشی حربی و پولیس قرارگاه‌لری یقینیده‌گی سپورت میدانی‌دن آلیب کیتیلگن، بیراق امنیتی کوچلر هیچ قنده‌ی عکس‌العمل بیلدیرمه‌گن.
واقعه‌گه گواه سپورتچی‌لردن بیری نصیراحمدنینگ ایتیشیچه، شیندند تومنی سپورت آمری شامل مذکور سپورتچی‌لر اوشبو تومن پولیس قومندانلیگی آرقه‌سیدن طالب‌لر تامانیدن آلیب کیتیلگن.
اونینگ ایتیشیچه، طالب‌لر قول‌گه آلگن‌لرنی امنیتی قرارگاه اونگیدن اوتکزگن، بیراق امنیتی کوچلر هیچ قنده‌ی عکس‌العمل بیلدیرمه‌گن. نصیرگه کوره، طالب‌لر نیچه ساعت‌دن کیین، کیهان ناملی بیر سپورتچی‌نی اولدیرگن و اوشبو تومن‌نینگ سپورت آمری بیلن باشقه بیر سپورتچی‌نی قوییب یوبارگن.
طالب‌لر حاضرگچه بو توغریده هیچ نرسه دیمه‌گن.
مذکور سپورتچی‌لر، شیندند تومنی فوتبال تیمی اعضاسی ایکن.
