نمایندهلر مجلس اعضاسی بوگون چهارشنبه مجلسنینگ ایش دوری کوپیتریلیشی اوستیده بحث قیلگنلر. کوپچیلیک نمایندهلراساسی قانون نینگ 83 مادهسیگه اساسلب ایتیشلریچه، پارلمان سیلاولری اوتکزیلمهگن حالده، مجلس نینگ ایش مددتی اوز پایانیگه ییتهدی.
افغانستان اساسی قانونی نینگ 83 مادهسیگه کیلیشیچه، نمایندهلر مجلسی نینگ ایش دوری بیشینچی ییل بیرینچی سرطان اوز پایانیگهیتیب، ینگی مجلس نینگ ایشی باشلنهدی. بو حسابگه قرهگنده نمایندهلر مجلسی نینگ اون کون ایشی قالگن.
اما، نمایندهلر مجلسینینگ اعضاسی مولوی عبدالرحمن رحمانی نینگ ایتیشیچه، 83 مادهنی ایضاحلشگه ضرورت یوق. بو ماده مجلس اعضالریگه ینگی پارلمان اعضالری ایشگه باشلهگونگه قدر اوز وظیفهلریگه دوام ایتیریشلریگه رخصت بیرگن.
جناب رحمانی، حکومت پارلمانی سیلاولرنی اوتکزیش نیتیده ایمس، شونگه کوره حاضرگی مجلس او ایشیگه دوام ایتیره آلهدی.
ولسی جرگه نینگ اعضالری حاضرگی مجلس نینگ ایشی اوز پایانیگه ییتیشی حکومتنی مشکلگه روپه ره قیلهدی دیگنلر.
نمایندهلر مجلس اعضاسی رمضان بشر دوستگه کوره، مذکور قیین چیلیک اوچون منطقی یول قیدیریش کیرهک. جناب بشر دوست، نمایندهلر مجلسی نینگ ایشی یکونلهنیشی قانون توزیش اوچون بوشلیق یرهتهدی دیگن.
مجلسنینگ باشقه بیر اعضاسی مخدوم فرقانی پارلمانی سیلاولر اوتکزیلمهگونگه قدر، هیچ بیر کیشی یا اداره پارلمان قانونیلیگیدن کوز یومه آلمیدی.
اساسی قانونی نینگ 83 مادهسی ایکینچی بندیده نمایندهلر مجلسی ایش پایانیگه 30 دن 60 کون قالگونگه قدر سیلاولر اوتکزیلشی یازیلگن.
اما، سیاسی تحلیلچی نصرالله ستانکزی نینگ سلام وطندارگه ایتشیچه، اساسی قانونگه موافق نمایندهلر مجلس اعضالرینینگ ایشی سرطان آیینینگ بیرینچیسیده اوز پایانیگه ییتهدی.
اما، اساسی قانون نینگ 147 مادهسیده جمهور رییس یا ده ملی کینگش نینگ ایش جریانیده «شاشیلینچ حالت» یوز بیرگن حالده، ملی کینگش نینگ ایش جریانی باشقه تورت آی کوپیتیریلیشی ممکن دییلگن.
