بیرلشگن ملتلر تشکیلاتینینگ ایتیشیچه، میلادی 2018- ییلنینگ بیرینچی اوچ آییده تینچ اهالی قربانلیگی کمیده 2258 کیشی بولگن و بو جملهدن (763 کیشی هلاک و 1495 کیشی یرهلنگن).
تینچ اهالی قربانلیگی توغریسیده بیرلشگن ملت لر تشکیلاتی نینگ ینگی گزارشیده ایتیلیشیچه، میلادی 2016- و میلادی 2017- ییللرینینگ بیرینچی اوچ آیی و میلادی 2018- ییلنینگ بیرینچی اوچ آیی ده تینچ اهالی قربانلیگینینگ رقمی گه اوزگریش کیلمهگن.
بیرلشگن ملتلر تشکیلاتینینگ گزارشیده کیلیشیچه، اوتگن اوچ آی ده تینچ اهالی قربانلیگینینگ اصلی عاملی خودکش و پارتلش هجوملر بولگن و اوندن سونگ، ییر آتیشمهلری کوپلب قربانلیک آلگن. سِرلی قتللر، هوایی عملیاتلر و اوروشدن پارتلاوچی مادهلر قربانلیکلرنی سونگ عاملی بولگن.
هوایی هجوملر نتیجهسیده تینچ هالی قربانلیک رقمی دن 35% خلق ارا حربی کوچلریگه، 35% افغانستان هوایی کوچلریگه و قالگنی حکومت گه طرفدار نامعلوم کوچلرگه نسبت بیریلهدی.
بیرلشگن ملت لر تشکیلاتی نینگ ایتیشیچه، جاری ییل نینگ بیرینچی اوچ آیی ده دولت گه قرشی قوراللی عصیانچیلر تامانیدن تینچ اهالی قربانلیگی نینگ رقمی آشگن و بو رقم 1500 گه ییتیشه دی (511 هلاک و 989 کیشی یره لنگن). بو رقم اوتگن ییل نینگ شونده ی بیر زمانی گه قره گنده 6% کوپه یگن.
یونامانینگ ایتیشیچه، اوتگن ییل ده افغانستان دولتی گه طرفدار کوچلر تامانیدن تینچ اهالی قربانلیگی کمه یگن ایدی و شونینگدیک، جاری ییل نی بیرینچی اوچ آیی ده بو رقم 13% کمه یگن. 407 تینچ اهالی دیر ( 174 هلاک و 231 یرهلنگن).
حکومت گه طرفدار کوچلر تینچ اهالی قربانلیگی نی 18% گه سبب بولگن و بو جملهدن (11% امنیتی کوچلر تامانیدن، 2% خلق ارا حربی کوچلری تامانیدن، 4% حکومت گه طرفدار نامعلوم کوچلر تامانیدن و 1% حکومت گه طرفدار قوراللی گروه لر تامانیدن عمل گه آشیریلگن).
اوشبو گزارش ده افغانستان بوییچه بیرلشگن ملت لر تشکیلاتی نینگ خاص نماینده سی انگرید هیدن نینگ ایتیشیچه، برچه اوروش تامانلری آتیشمه لری جریانیده تینچ اهالینینگ جانی سقله نیشی توغریسیده دقت قیلیش لری لازم.
افغانستان حکومتی و طالب لر حاضرگچه بو گزارش توغریسیده هیچ نرسه دیمه گنلر.
