نیویارکتایمز کوندهلیگی نینگ پنتاگون دن نقل قیلیشیچه، افغانستان امنیتی کوچلریدن کمیده 50 % کرونا ویروسیگه چلینگن.
آمریکا امنیتی رسمیلریدن بیرقطاری نینگ نیویارکتایمز کوندهلیگیگه ایتیشیچه، انهشو سبب آمریکا حربیلری و افغانستان امنیتی کوچلری آرهسیده بولگن تعلیمات و قوشمه عملیاتلر توختهتیلگن.
مذکور گزارشگه کوره، افغانستان شرقیده داعش گروهیگه قرشی آمریکا نینگ حربی عملیاتلری توختهتیلگن، بیراق اوشبو گروهگه قرشی هوایی هجوملر دوام قیلماقده.
نیویارکتامیز تامانیدن نشرقیلینگن گزارشگه کوپهیتیریلیشیچه، آمریکا و طالبان آرهسیده امضالنگن تینچلیک شرطنامه باعث، آمریکا نینگ افغانستاندهگی قرارگاهلریدن بیرقطاری باغلنماقده.
بیراق، افغانستان امنیتی نهادلری، قوشمه بیر اعلامیه آرقهلی، امنیتی کوچلردن 50% نی کرونا ویروسیگه چلینگنینی رد قیلگن.
اعلامیهده ایتیلیشیچه، صورت تاپگن تیکشیریشلرگه قرهگنده، افغانستان امنیتی کوچلری اوشبو رقمی کرونا ویروسیگه چلینگن ایمس.
امنیتی نهادلرنینگ کوپهیتیریشیچه، افغانستان امنیتی کوچلر و کیسکین حمایهوی کوچلر آرهسیده بولگن همکارلیکلر ساغلیک تدبیرلرنی نظرگه آلیش بیلن دوام قیلماقده.
ایتیلیشیچه، افغانستان بوییچه حاضرگهقدر 12 مینگ و 456 کیشی کرونا ویروسیگه چلینگن و بو جملهدن 227 تهسی وفات قیلیب و باشقه بیر مینگ دن آرتیق کیشی درمانلنگن.
