پریگل: اوقیش لرنی بیتیرگن دن کیین، مکتبلردن بیریگه اوقیتوچی بولیب خذمتگه کیردیم. مکتب نینگ ایگه سی تانیقلی قوماندانلردن بیر نینگ اوغلی ایدی. یول تیقینلیگی سبب بوندن بویان ایرتلب وقت مکتب گه کیلیشیم نی تکلیف قیلدی. ایرتلب تانگ وقتی بیلن ساعت آلتی ده مکتب باردیم، لیکن، مذکور شخص دن باشقه هیچ کیم مکتب ده بار ایمس ایدی. نیمه اوچون هنوزگچه هیچ بیر اوقوچی کیلمه گنلیگی بارهسیده سورهشیمگه مجال بیرمی، کیل مین بیلن جنسی علاقه ده بول دیدی. بلند آواز ده تاوشیمنی چیقارماقچی بولگنده آغیزیمنی قولی بیلن توتدی. کمینه قورقیشدن هوش سیز بولگن من. قیته کوزیمنی آچگونچه باشیمدن نیمه اوتگن لیگینی بیلمیمین. اوشبو واقعه دن کیین خانه دانیم باشقه اویدن تشقریده ایش قیلیشگه رخصت بیرمه دی.
گلالی: بیلم یورتنی بیتیرگن دن سونگ، ایش ایزلش اوچون بیرقنچه یقین دوستلریم بیلن بعضی بیر وزیرلیک لرگه باش اوریشیمگه توغری کیلدی. وزرلیک لردن بیریگه باریم آتیم نی رویخطگه آلدیردیم و انه شو زیل تیلفون رقمیم نی هم یازیب قالدیردیم. وزیرلیک دن چیقیشی بیلن بیر ایرکک قونغراق قیلیب، مین بیلن بولیب دوست قیلیش نیتینگ بولسه، سیناو سوراقلرینی بیره من دییه سوز باشله دی. لیکن، بو توغریده اورتاقلرینگه بیرار نرسه دیمسلیگینگ کیرهک دیدی اوشه. بو گپ نی ایشیتیب باشیم ایله نیب قالگن، ذهاتی دوستیم نینگ تیلفونیگه قونغراق کیلیب، اوشه کیشی بوندن هم ینی تکلیف نی قیلدی. عین حالده، اوچینچی دوستیم گه زنگ اوریشی بیلن سوکیب تیلفون نی کیسدیک. بیر – بیراویمیزگه: عجب دنیا بولگن!!!
شهنا: بیر عمر درس اوقیب تحصیل آلگن دن کیین، دولت بیلیم یورت لریدن بیریگه کیریب، استاد بولیشنی ذهنیمگه ایلنتیردیم. برچه حجت لریم بیتیریلگن ایدی، شونگه قره می ایکی ییل بیلیم افتخاری شکلده درس هم بیریب کیلگن من. لیکن، بیلیم یورت ریاستیده تقدیر سیز قالگن حجت لریم توغریسیده بیرار نرسه بیلمسدیم. کونلردن بیر کون همکارلریمنینگ بیریدن نیمه اوچون مینی دوسیه ام بیرار آچیب کورمی، نیمه اوچون هنوزگچه تقدیر سیز قالن لیگنی سوره دیم؟ سین بیلیم یورت اداره سیده بیلن خوش معامله قیلمه گن سن دیدی. مین ایسه، بیلیم یورتگه بارگن ده همه بیلن خوش اخلاق لیک یوزه سیدن معامله قیلگن لیگیمنی ایتدیم. او، منینگ جوابیمگه،؛ یوق قیین چیلیک باشقه ییر ده دیدی؛ سین اولر بیلن دوست بولیشی کیرهک، یعنی رفیق بولیشی ضررو. اونگه قرشی بوتون
