بیر قنچه یازووچیلر ومدنی فعاللر حکومتنی بابلهلر ادبیاتیگه اعتبار بیرمهگنلیگینی تنقید قیلهدیلر. اولر، دولت تامانیدن مدنی و فرهنگی ایشلرگه بی اعتبارلیک سبب افغانستان ده بالهلر ادبیاتی اونوتیلیشیگه باعث بولگن.
مملکت یازووچیلریدن بیری عبدالغنی هیلهمن غزنوی چهارشنبه کون کابلده قطار یازووچیلرنی تقدیرلش مناسبتی بیلن اوتکزیلگن ییغین سوزلب، بالهلر ادبیاتی رونقی اوچون هیچ بیر اداره تامانیدن ایش قیلینمهگن دیگن. شونینگدیک حکومت بو توغریده بیرار – بیر ایش قیلگنیچه یوق.
اونگه کوره، اوتگن وقتلرده کودک ادبیاتی دیگن بیر نرسه بولمهگن، بو نام آستیده باسیگن اثرلر هم جوده آز بولگن، لیکن هلی افغانستانده بالهلر ادبیاتی دیگن نرسه یوق.
مملکت اخبارات ومدنیت وزیری عبدالباری جهانی نینگ ییغینده ایتیشیچه، افغانستانده ادبیات ساحهسیده ایش بولمهگن. او دولت و نا دولت اداره لرنی بو مساله اوچون تفاوت سیزقالگن لیک ده عیب له گن.
آرش ننگیال، پروین پژواک و محمود مرحون لر باله لر ادبیاتی اوچون ایشلهگن لیگی باعث افغانستان اخبارات ومدنیت وزیرلیگی ینه بالهلرنی حمایت قیلووچی صندوق تامانیدن تقدیرلندیلر.
بالهلر ادبیات اویینینگ مسوولی اجمل تورمان، بالهلرنی حمایت ایتوچی صندوق بوقتلم حمایت بولیشلری اوچون تاسیس ایتیلگن دیگن. لیکن، مذکور اداره کوتیلگن درجهده دولت و نا دولت ادارهلر آرقهلی کوتیلگن درجهده دستکلنمهگن.
بالهلر ادبیاتینی حمایت قیلووچی تشکیلات اوتگن ییل ایجاد ایتیلدی. مذکور تشکیلات تاسیس ایتیلیشیدن نیت افغانستانده بالهلر ادبیاتینی مالی و معنوی حمایت قیلیش بولگن.
بالهلر و بلاغتگه ییتمهگن گودکلر ترقیات باسقیچلرنی اوتکزیش اوچون آغیر متن لرنی ذهن لریگه بیریش قابلیتیگه ایگه ایمسلر. بالهلر کوپراق اوز سطح و سویهلریگه ماس متنلرنی اوقیشگه قیزیقه دیلر.
بالهلر ادبیاتینینگ باشقه بیر ویژهلیگی ایسه بالهلر سویهسیگه تینگ بولگن لیگی دیر. بلاغتگه ییتمگه گن بالهلر ساده متنلرنی اوقیشنی یاقتیردهدیلر.
بلاغتگه ییتمگه گن گودکلر اوز قابلیتلریگه ماس بولگن رومان و قصه لرنی اوقیش بیلن ذهن لرینی یاروتیشگه حرکت قیلهدیلر.
