.jpg)
غورولایتیده قلین قار یاغیشی عاقبتیده ولایتنینگ برچه تومنلری یولی یاپیلگن. غور ولایت شاشیلینچ کمیته باشلیغی حمیدالله دادفرنینگ سلاموطندار رادیوسیگه ایتیشیچه، بو ولایتده سابقهسیز روشده قار یاققن.
هواشناسلیک ادارهسینینگ تخمینی کوره، مذکور قار یاغیش جاری هفتهنینگ آخیریگه قدر دوام ایتیشی ممکن. جناب دادفرنینگ آگاهلنتیریشیچه، اوشبو آغیر قار یاغیش نتیجهسیده اهالیگه مالی و جانی زیان ییتگن حالده، بو اداره خلققه یاردم قیلیش اوچون هیچ قندهی کومک بیریش امکانیتیگه ایگه ایمس.
غور ولایتی شاشیلینچ حالتلر کمیتهسی باشلیغی، مذکور ولایتده کومکلر ذخیره ایتیلمهگن لیگی اوچون ایچکی یاردم کورسهتیووچی همده تشقی همکارلیک قیلهدیگن ادارهلرنی تفاوت سیزلیککه عیبلهگن.
قیش فصلیده ولایت هوا فضاسی همده ترانسپورت یوللری یاپیلیشی اوچون محلی حکومت مرکزی دولتدن انسان پرورانه یاردملر ذخیره ایتلیشینی سورهگن؛ لیکن، هنوزگچه مرکزی حکومت قوشیمه تقشی یاردم بیرووچی ادارهلر هم هیچ قندهی یاردم کورستمهگن.
.jpg)
جناب دادفرسوزلریگه قرهگنده، یالغوز دنیا آزیق آوقت تشکیلاتی یا «WFP» ادارهسی 400 خانهدانگه کومک بیریش اوچون وعده بیرگن. ولایت شاشیلینچ حالتلر ادارسی باشلیغی، قلین قار یاغیشی همده شهر مرکزی بیلن تومنلر یولی یاپیلیب قالیشی سبب، اهالی یاقیلغی مادهلر تنقیس لیگیگه روپهره بولیشی احتمال دن ییراق ایمس دیگن.
عین حالده، ولایت والیسینینگ سوزلاووچیسی عبدالحی خطیبی، طبیعی حادثهلرگه قرشی کورهش ملی ادارهسی بیر میلیون 800 یوزمینگ افغانی بهاسیده بولگن آزیق آوقت ینه باشقه دستلبکی کومکلر اداره اختیاریده بار دیگن. اما، بو یاردملر ییترلی ایمس دیگن.
غور، افغانستاننینگ ساووق حدودلریدن حسابلنهدی. بو ولایت خلقی هر ییلی قیش فصلینی کوپینچه معمالر بیلن اوتکزیشهدی.
