اوتگن کون افغانستان جمهور رییسی محمد اشرف‌غنی ملی کینگش‌نینگ مخصوص ییغینیده اشتراک قیلدی. غنی داعش، القاعده، حقانی و طالب‌لر حرکتی‌نی افغانستان اهالی‌سی نینگ دشمنی دیب آچیقله‌دی. سنا مجلسی نینگ اعضالری جمهور رییس‌نینگ اوتگن کون تیل‌گه آلگن سوزلرینی خوش قرشیله‌دی‌لر.
شونینگ‌دیک جمهور رییس غنی، مملکت عالی محکمه‌سی‌نینگ قراری اساسی‌ده اعدام‌گه صادر ایتیلگن حکم‌لر کیسکین عمل‌گه آشیریلیشی باره‌سیده تاکیدله‌گن.
جمهور رییس‌غنی نینگ بو قبیل سوزلرینی خوش قرشیله‌گن سنا مجلسی‌نینگ اعضالری، مملکت‌ده انتحاری هجوم صادر ایتیب، خلق‌نینگ قانینی توککنلر اعدام ایتیلیشی‌نی طلب قیلگن‌لر.
شونینگ‌دیک سناتورلردن بیری گل احمد اعظمی جمهور رییس‌نینگ بو سوزلری عمل‌گه آشیریلگن حالده، بو موضوعلردن جدی حمایت ایتیشی‌نی تیل‌گه آلگن.
عین حالده، ملی کینگش‌نینگ باشقه بیر اعضاسی لیلما احمدی‌نینگ سوزلری‌گه کوره، حکمی صادر ایتیلگن شخص‌لر اوستیدن محکمه‌نینگ قانونی عمل‌گه آشیریلیشی حتمی.
اوزاق ییل‌لردن کیین حکومت تامانی‌دن دشمن‌دن انیق تعریف بیرگن جمهور رییس غنی سوزلرینی خوش قرشیله‌گن بانو لیلما، بو توغریده بی پروالیک قیلینمسلیک‌نی سوره‌گن.
باشقه تاماندن سنا مجلسی‌نینگ باشلیغی فضل هادی‌مسلمیار، مملکت خلقی قانینی توتگن‌لیک عیبی بیلن قماققه آلینگن 520 کیشی‌نینگ دارگه تارتیلیش حکمی صادر ایتیلگن؛ لیکن هنوزگه بو ایش عمل‌ده تطبیق ایتیلمه گن دیگن.
جناب مسلمیا، مذکور شخص‌لر جزالنمه‌گن حالده، مملکت ده امنیت تامین ایتیلمس لیگی باره‌سیده تاکیدله‌گن. عین حالده، مملکت‌نینگ جنوبی‌ده جایلشگن هلمند ولایتی‌نینگ یوزلب اهالی‌سی جمهور رییس‌نینگ اوتگن کون قیلگن صحبتی‌نی خوش قرشیلب حمایت بیلدیریگن‌لر.
یول یوریگن‌لر اوزاق مدت‌دن کیین افغانستان خلقی دشمنی توغریسی‌ده جمهور رییس معین تعریف بیرگن لیگینی اظهار ایتگن‌لر.
