.jpg)
بوگون «سهشنبه» مسکو تینچلیک ییغینی باشلندی. اوشبو ییغینده طالبان گروهینینگ هیأتینی باشلیغی شیرمحمدعباس استانکزینینگ ایتیشیچه، افغانستان تینچلیگی برابریده اینگ کته توسیق افغانستانده چیتایللیک کوچلرنینگ حضوری دیر.
جناب استانکزینینگ ایتیشیچه، مذکور گروهنینگ قطردهگی دفتری طالبان گروهی برابریده آمریکانینگ بهانهسینی آلدی آلینیشی اوچون قوریلگن.
مسکو ییغینیده طالبان گروهی تامانیدن یوباریلگن هیأت باشلیغینینگ ایتیشیچه، بو گروهنینگ قدرتنی قمرهب آلیش نیتی یوق دیر و یالغیز افغانستانده اسلامی و برچه شامل بولهدیگن بیر تیزیم قوریلیشینی ایستهیدی.
شیرمحمدعباس استانکزینینگ اورغولشیچه، تینچلیک یالغیز شعار و سوزلشوو بیلن تأمینلنمهیدی. او، سوزلری جریانیده افغانستان حکومتینینگ غیرمشروع بیلیب و افغانستاننی آمریکا تامانیدن اشغال ایتیلگن بیر مملکت دیدی.
جناب استانکزی، قاره رویخط اورتهدن کیتیشی و مذکور گروهنینگ محبوسلری قوییب یوباریلیشینی طلب قیلیب ایتیشیچه، بو ایش ایشانچ اوچون اساسی نیازلردن بیری دیر.
او، طالبان گروهی گه قرشی تبلیغلر یکونلنیشینی سورهدی. استانکزی گه کوره، استخباراتی تشکیلاتلردن بیرقطاری، وجودگه کیلگن فضادن فایدهلنیب، اولرگه قرشی تبلیغ قیلهدیلر و شونینگدیک، میدیالر حقیقتنی بیلمسدن بو تبلیغلرنی کوپهیتیرهدی.
اونگه کوره، مکتبلرنی باغلش، اوقووچیلرنینگ یوزیگه تیزاب توکیش، اوغیرلاوچیلیکلر و باج آلیش بو گروهنینگ اعضالرینی ایشی ایمس دیر و قطار کیشیلر طالبلرنی بدنام قیلیش اوچون بو ایشلرگه قول اورهدیلر.
مسکو ییغینیده طالبان گروهی نمایندهسینینگ ایتیشیچه، تینچلیک افغانستاندن آمریکا کوچلری چیقیشی گه ایرکین باغلیق دیر. اونینگ اورغولشیچه، کابل ادارهسینینگ اساسی قانونینی اولر قبول قیلمهیدی؛ چونکه غرب تامانیدن دیکته بولینگن.
اونگه کوره، مملکت اساسی قانونی ضد و چیگل دیر و کابل ادارهسی هم بو قانون گه ضد عمل قیلهدی. شو یوزهدن اولر، دین عالملری تامانیدن اسلام نقطهی نظریدن بشری و انسانی کرامت اساسیده بیر اساسی قانون تیارلنیب و تصدیقلنیشینی ایستهیدی.
جناب استانکزینینگ ایتیشیچه، افغانستاندن تشقی کوچلر چیقیب و تینچلیک تأمینلنگندن کیین دنیا بیلن یخشی و ایجابی علاقه قوریش نی ایستهیدیلر.
شیرمحمدعباس استانکزی عیاللر حقوقی گه اشاره قیلیب ایتیشیچه، اوتگن بیریریم ییلده عیاللرنی ترقیاتی بهانهسیده «حیاسیزلیک و اخلاقسیزلیک» رواجلنگن. اونینگ کوپهیتیریشیچه، طالبلر عیاللرنینگ برچه اسلامی و انسانی حقلری گه ارزش قایل دیر.
اوشبو ییغینده طالبلر نمایندهسینینگ ایتیشیچه، اولر ساغلیک بولیمیده کوپینچه فعالیت قیلگنلر بیراق آمریکا کوچلری اوشبو فعالیتلرنی نابود ایتیش اوچون هیچ قندی اِیشدن قول تارتمهگن.
شونینگدیک جمهور رئیس سابق اورین باسری یونس قانونی بو ییغینده ایتیشیچه، تینچلیککه ییتیش اوچون اوروش ییچیم یول ایمس دیر. اونگه کوره، افغانستان حکومتی طالبلر بیلن صحبت اوتکزیش اوچون بو ییغینده بیر نماینده یوباریشی کیرهک ایدی.
جناب قانونی نینگ اوروغولشیچه، ظلم و انحصار زمانی یکونلنگن.
او، بُن ییغینیدن ایکی دهه اوروشی یکونلهنیب و ینگی بیر فصل باشلهنیشی صفتیده اِیسلب و اساسی قانون نی اینگ یخشی و اینگ اسلامی قانونی صفتیده اِیسلهگن. عین حالده اونینگ اورغولشیچه، اوشبو اساسی قانون گه اوزگریش و اصلاحات کیلیش امکانی بار.
.jpg)
یونس قانونینینگ کوپهیتیریشیچه، برچهنینگ فکری گه کوره افغانستان اشغال بولمهگن و بو ظلم کیم سابق شوروی بیلن ییللرچه اوروشیب کیلگن مجاهدلر قیتهدن استعمارگه باش قویگن بولسه.
قانونی گه کوره، چیت ایل کوچلر افغانستاندهگی تحمیلی اوروش باعث بو ییرده موجود بولگن و اوروش یکونلنگن صورتده، مذکور کوچلرنینگ بو ییرده قالیشی اوچون هیچ قندی دلیل قالمهیدی.
یونس قانونینینگ اورغولب کوپهیتیریشیچه، نظرلرنینگ مشترک نقطهلری بیللی بولیب و فرقلی نقطهلری حل بولسین و « بو افغانستان قضیهسی نینگ ییچیم یولی دیر.»
او، دولتی و قضایی ادارهلر قوریلیش و شونینگدیک خوفسیزلیک کوچلری قوریلیشیدن مدافعه قیلینهدیگن یوتوقلر دیب بیراق ایتیشیچه، طالبان تنینچلیک خصوصیده یشیل چراغ کورستگن بیر چاغده، ایریم موضوعلر گه اصلاحات کیلیشی ممکن.شونینگدیک، اوشبو ییغینده اجراییه ریاستینی ایکینچی اورین باسری و وحدت حزبینی رهبری محمد محقق نینگ ایتیشیچه، طالبان گروهینینگ یانیده افغانستاندن کیلگن هیأت حضوری باشقهلرگه قرشی صف تارتیش معناسیده ایمس دیر. او، افغانستان حکومتیدن بو جریان گه قوشیلیشینی سورهب و طالبان گروهی هم حکومتنینگ نمایندهلری گه علاقه بیلدیریشینی طلب قیلدی.
جناب محقق نینگ اورغولشیچه، افغانستان اوروشی قانونی و شرعی ایمس دیر و «وطندارلیک نقطهی نظریدن هم قرغهنی ییتی قرغه گه روا ایمس دیر.» طالبان گروهینینگ نمایندهلریگه خطاب اونینگ ایتیشیچه، بهانهلردن وازکیچیب و تینچلیک سیسی گه لبیک دییشلری کیرهک.
اسلامی جمعیت حزبینینگ اجراییه باشلیغی عطامحمد نور نینگ اوشبو ییغینده ایتیشیچه، افغانستان تینچلیگی دنیا و منطقهده امنیت تامین ایتیلیشیگه سبب بولهدی. اونینگ ایتیشیچه، آتیش کیسین و چیتایللیک کوچلرنینگ افغانستاندن چیقیشی خصوصیده صحبت قیلیش کیرهک.
اونینگ اوتگن 2 یم دههدهگی یوتوقلیکلرگه اشاره قیلیب ایتیشیچه، تینچلیکنی بیر انسانی ارزش عنوانیده قربانلیککه نیازی بار. جناب نور، حاضرگی نظام سقلهنیشی بیلن موقت حکومت ایجاد ایتیلیشی و طالبلرنینگ سیلاو آرقهلی حکومت گه قول تاپیشی اوستیگه تاکید قیلهدی.
حامد کرزی و فوزیه کوفی هم اوشبو ییغینگه صحبت قیلگنلر.
مسکو تینچلیک ییغینی ایکی کون اوچون یولگه قوییلگن.
افغانستان حکومتی اوشبو ییغینده اشتراک قیلمهگن و شونینگدیک ییغینلرنی افغانستان تینچلیگی اوستیگه تاثیر قویمهیشینی بیلدیرگن. بو ییغین آمریکا قوشمه ایالاتینینگ خاص نمایندهسی زلمی خلیلزاد اشتراکی بیلن قطر ده بولیب اوتگن 6 کونلیک ییغیندن سونگ یولگه قوییلگن.
شو توغریده…
