.jpg)
جنگری طالبلر اعلامیه ترقهتیشلری بیلن «عمری» ناملی عملیاتلری باشلنگنیدن خبر بیرگن.
اعلامیه گه کیلیشیچه، طالبلرنینگ عملیاتی 1395-ییل 24 حملده باشلهنیشی ممکن.
اعلامیهده طالبلرنینگ باشلیغی اوز فرمانیده بولگن جنگریلریگه قرهتیب، عملیات دوامیده تینچ اهالی و عامه تأسیساتلرگه آسیب ییتکیزمسلیکلرینی بیلدیرگن. بو شوپیتده بولهدی که افغانستاندهگی بیرلشگن ملتلر تشکیلاتی اورین باسرلیک دفتری (یوناما) نینگ گزارشیگه کوره، اوروشلرده تینچ اهالی 62 فایزی طالبلر تامانیدن بولگن.
شو بیلن بیرگه جمهور رییس نینگ سوزلاوچیسی اورین باسری شاهحسین مرتضوی طالبلرنینگ یازلیک عملیاتلر اعلامیهسینی تکراری خبر و اوروش میدانلریده افغانستان امنیتی کوچلری عمل ایگهسی دیب بیلهدی.
او، طالبلرنی آگاهلنتیریب ایتشیچه، تینچلیککه قوشیلمهگن صورتده مذکور گروه نابود بولهدی.
طالبلرنینگ کوکلم عملیاتلری شو پیتده باشلنماقده دیرکه سونگی ایکی آیده مذکور گروه هجوملری یوقاری درجهده کوتاریلگن ایدی. اوشبو گروهنینگ سونگی هجومی ننگرهار ولایتی نینگ سرخرود تومنیده اوتکزیلیش عاقبتیده 13 هلاک و باشقه 38 کیشی یرهلنگن ایدی.
