بوگون ایرتهلب ساعت 8:30 ده جلال آباد شهریده یوز بیرگن ایکی کیتمه-کیت پارتلشده 33 کیشی هلاک بولدی و 100 دن آشه کیشی هم تن جراحت آلدی.
بیرینچی پارتلش «دولهکی بابا» ناملی زیارت یقینیده و ایکینچی پارتلش ایسه، ینگی کابل بانک نمایندهلیگی توغری سیده یوزبیردی.
ننگرهار پولیس باشلیغی فضلاحمد شیرزاد، ایکینچی پارتلاو یوز بیرگن محلیدن سلاموطندارگه ایتیشیچه، پارتلش مادهلری ینگی کابل بانک ایشیگیده بیر موترسایکلده اورنهتیب قویلگن ایکن.
شیرزادنینگ کوپه یتیریشیچه، مذکور واقعهده 22 کیشی اولگن و 50 کیشی هم تن جراحت آلگن. اونینگ ایتیشیچه، اولیب یره کوترگنلر ارا عیاللر و بالهلر هم موجود.
شیرزادگه کوره، تلفات سانی آشیش امکانی بار.
شونینگدیک ننگرهار کسل خانهسی نینگ باشلیغینی سلاموطندارگه ایتشیچه، مذکور واقعهلرده 33 کیشی اولگن و 100 آشه کیشی هم تن جراحت آلگن.
بو پارتلش ینگی کابل بانک دولت مأمورلریگه معاش بیرهدیگن بولیمینی تخریب قیلگن.
ننگرهار ولایت سرپرستی احمدضیا عبدالزینینگ ایتیشیچه، واقعه اصلی علتی انیق ایمس.
عینی شاهدلرگه کوره، حادثهده 10 لرچه کیشی اولیب یره کوترگن.
بو حادثه شو پیتده یوزبیرهدی کی؛ 4 ییل آلدین هم کابل بانکنینگ مذکور نمایندهلیگیگه پارتلش یوزبیریش نتیجه سیده 10 کیشی اولیب یره کوترگن ایدی.
حاضرگه قدر هیچ بیرگروه مذکور حادثه مسؤولیتینی اوز بوینیگه آلمهگن.
