.jpg)
افغانستان‌ده تینچلیک اورنه‌تیش تورت تامانلمه ییغین‌نینگ هماهنگ‌لیک گروهی سه‌شنبه کون افغانستان، پاکستان، چین و امریکه نماینده‌لری اشتراکیده اوتکزیلدی. مذکور اولتیریش‌ده ییغین‌نینگ اعضالری افغانستان حکومتی‌نینگ برچه قوراللی مخالف‌لریدن طالب‌لر بیلن افغانستان حکومتی اورته‌سیده اوتکزیله دیگن یوزمه – یوز مذاکرده اشتراک قیلیش‌لری سوره‌لگن.
تورت تامانلمه همکارلیک گروهی‌نینگ خبرنامه‌سیده یازیلیشیچه، اوشبو ییغین‌ده افغانستان و پاکستان‌دن تشکیل ایتیلگن نماینده‌لری تینچلیک مذاکره‌سی اوچون ایکّی مملکت دین عالم‌لری حمایتی‌نی آلیش‌گه سعی وحرکت قیله‌دیلر.
خبرنامه‌ده، طالب‌لر بیلن حکومت‌نینگ یوزمه – یوز اولتیریشی مارچ آیی‌نینگ بیرینچی هفته‌سیده رسمی اسلام آباد ده اوتکزیلیشی ریجه لنتیریلگن و تورت تامانله گروه‌نینگ بیشینچی اولتیریشی هم پاکستان‌ده اوتکزیلیشی نظرده توتیلگن.
سیاسی ایش بیلرمان جاوید کوهستانی‌نینگ سلام‌وطندارگه ایتیشیچه، قطار مملکت و تشکیلات‌لر اوزمنفعت‌لرینی دایم افغانستان نینگ ناتینچ لیگی‌گه کوریب کیلگن‌لر.
.jpg)
عین حالده، سیاسی ایش بیلرمانلردن باشقه بیری میرزا محمد یارمندنینگ سلام‌وطندارگه، افغانستان حکومتی تینچلیک مذاکره‌سی اوچون خرسندلیک بیلن حرکت قیلمه‌ی و سونگی آدیم‌لرنی احتیاط بیلن کوتریشی کیره‌ک دیگن.
جناب یارمندگه کوره، آتش کیسین تینچ لیک سوزلشوولرینی اساسی شرط لریدن بیری بولیشی لازم، بونده‌ی بولمه‌گن صورتده، نابرقرالیک‌لر اوشبو سوزلشوولرنی سوراققه دوچ کیلتیره‌دی.
اوشبو ایش بیلرمانلرنینگ ایتیشیچه، پاکستان حکومتی، مذکور مملکت‌ده عصیانچی‌لرنی تربیه‌لیدیگن مدرسه‌لرنی یاپیب و بو گروه‌لرنی باشقریشی کیره‌ک.
اما، یوزبیرگن هجوم‌لرگه قره‌مه‌ی، افغانستان حکومتی حاضرگچه تینچ لیک مذاکره‌سی توغریسی‌ده خرسند کورینه‌دی.
تشقی ایشلر وزیرلیگی‌نینگ سوزلاوچی‌سی شکیب مستغنی نینگ‌سلام وطندارگه ایتیشیچه، افغانستان حکومتی، مملکت‌ده تینچ لیک و برقرارلیک‌نی تأمین‌لش خصوصیده، بار کوچی‌دن ایش آله‌دی.
بوندن آلدین، ملی بیرلیک حکومتی‌نینگ باشلیغ‌لری، هردایم دولت‌گه قرشی قوراللی عصیانچی‌لردن و تینچ لیک لایحه‌سی‌گه قوشیلیش‌لرینی سوره‌ب کیلگن‌لر.
افغانستان حکومتی یقین‌ده، قوراللی طالب‌لرنینگ باشلیغ‌لریدن اون کیشی‌نینگ رویخطی‌نی پاکستان‌گه بیریب، اوشبو مملکت‌دن مذکور کیشی‌لرنینگ، افغانستان حکومتی بیلن طالب‌لر اورته‌سیده اوتکزیله دیگن یوزمه – یوز مذاکره گه آلیب کیلیش‌نی طلب قیلگن.
