سیلاولر ایرکین کمیسیونی پارلمان سیلاوی اوتکزیلیش زمانی‌نی معلوم قیلدی، بیراق حکومت‌نینگ ایتیشیچه، مذکور کمیسیون‌نینگ حاضرگی اعضالری بیلن سیلاو اوتکزیلمه‌یدی.
سیلاولر ایرکین کمیسیونی‌نینگ معلوم قیلیشیچه، کیله‌جک پارلمان و تومن‌لر کینگشی سیلاولری کیله‌سی قویاش ییل 24- میزان‌ده یولگه قوییله‌دی؛ بیراق حکومت اجراییه باشلیغی عبدالله عبدالله‌نینگ ایتیشیچه، سیلاولر تیزیمی‌گه اصلاحات کیریتیلمه‌گن صورتده، سیلاو یولگه قوییلمه‌یدی.
بوگون (دوشنبه) کابل‌ده اوتکزیلگن خبری ییغینده، سیلاولر ایرکین کمیسیونی‌نینگ باشلیغی احمد یوسف نورستانی‌نینگ ایتیشیچه، اوشبو کمیسیون قانون اساسیده، سیلاونی یولگه قویه‌دی و نماینده‌لر کینگشی بیلن تومن‌لر کینگشی‌گه اعضاء بولیش‌نی ایسته‌گن کیشی‌لردن نامزدلیک اوچون، اوشبو سیلاوده تیارگرلیک آلیش‌لرینی سوره‌دی.
جناب نورستانی، افغانستان دولتی و دنیا جماعه‌چیلیگی‌دن سیلاو امنیتی و بودجه تأمین‌له‌نیشینی سوره‌دی. شونینگ‌دیک، دولتی اداره‌لر، میدیالر و سیاسی حزب‌لردن سیلاو کمیسیونی‌گه یاردم بیریش‌لرینی ایسته‌دی.
نورستانی‌نینگ ایتیشیچه، اساسی قانون‌نی 43- ماده‌سی اساسیده، سیلاو اوتکزیلیشی‌دن 180 کون آلدین، تاریخی معلوم بولیشی کیره‌ک.
نورستانی‌نینگ کوپه‌یتیریشیچه، سیلاو کمیسیونی اوتگن سیلاو قیین‌چیلیک‌لریدن درس آلیب و خلق‌گه ایشانچ بیره‌دی کیم، کیله‌جک سیلاونی اوشبو کمیسیون‌ده اصلاحات کیریتیب یولگه قویه‌دی. اونینگ اورغولشیچه، بوندن ایرکین صورتده ایشله‌یدی و هیچ کیم‌گه اره‌لشیش‌گه رخصت بیرمه‌یدی.
بیراق، وزیرلر کینگشی نوبتی یغینیده بوگون حکومت اجراییه باشلیغی‌نینگ ایتیشیچه، سیلاو کمیسیون‌لریده اصلاحات کیریتیلیشی لازم و کیله‌جک پارلمان سیلاوی‌گه تیگیشلی برچه ایشلر، سیلاو ینگی کمیسیونی تامانیدن آلغه آلیب باریله‌دی. اونینگ خلق‌گه ایشانچ بیریشیچه، حاضرگی کمیسیون ارا پارلمان سیلاوی اوتکزیلمه‌یدی.
حکومت تامانیدن، سیلاو کمیسیونی‌گه یوباریلگن رویخط‌ده، سیلاو اوتکزیلیش زمانی قویاش 1396- ییل 16- ثور معلوم قیلینگن.
باشقه تاماندن، افغانستان برقرارلیگی‌نی سقلاوچی کینگش، سیلاو اوتکزیلیش زمانی نورستانی تامانیدن معلوم قیلینیشی‌نی مسؤول‌سیزلیک بیلیب ایتیشیچه، افغانستان خلقی و دنیا جماعه‌چیلیگی، سیلاو کمیسیونی‌نینگ کفایت‌سیز باشلیغ‌لری‌نی قراریدن حمایت قیلمه‌یدی.
