.jpg)
ایران افغانستانده تینچلیک اورنهتیش مذاکرهده اشتراک قیلیشنی سورهگن. بو مملکت جمهور رییسی حسن روحانینینگ دیلیتایمز کوندهلیگی بیلن قیلگن صحبتده، پاکستانگه قیلگن سفریده، افغانستانده تینچلیک اورنه تیلیشی اوچون پاکستان، ایران وافغانستان ارا اوچ تامانلمه ییغین اوتکزیلیشینی تکلیف قیلگن.
ایران جمهور رییسی حسن روحانی جمعه کون (6 حمل) ده ایران اسلامی جمهوریتینینگ 60گه یقین بلند مرتبهلی هیاتی رهبرلیگیدن ایکّی کونلیک سفر بیلن رسمی اسلام آبادگه بارگن ایدی.
عالی تینچلیک کینگشینینگ سوزلاوچیسی امینالدین مظفرینینگ بوغریده سلاموطندارگه ایتیشیچه، بولر هر مملکت افغانستانده تینچلیک اورنهتیلیشی اوچون آلدین آدیم کوتارگن حالده، او مملکتنی خوش قرشیلیدیلر.
نمایندهلر مجلسینینگ اعضاسی صالح محمد صالح، افغانستان منطقهدهگی توقنشوولر باتقاغیده قالگن دیگن. او، ایران و باشقه مملکتلر افغانستانده تینچلیک اورنهتیش اوچون طالبلر بیلن مذاکره اوتکزیشده اساسی رولی بارلیگی اوستیده تاکیدلهگن.
.jpg)
شونینگدیک سیاسی تحلیلچی اسماعیلیون گه کوره، قوشنی مملکتلر افغانستانده تینچ لیک اورنهتیلیشنی ایستهگن حالده، طالبلر بیلن تینچلیک مذاکره اوتکزیش قیین ایمس. اما، افغانستان حکومتی تینچلیک مذاکرهسی اورنیگه بو مملکتلر ایسته لریگه جدی اعتبار بیریشی ضرور.
عین حالده، افغانستان ملی امنیت ادارهسی لوازمی نی وقتینچه لیک باشقره دیگن مسعود اندرابی، طالبلر لشکر طیبه، البدر مجاهدلری و چیش محمد گروهی بیلن ایتلاف قیلگن لیگیدن خبر بیرگن. ملی امنیت سرپرستی اوتگن کون (دوشنبه) نمایندهلر مجلس اعضاسیگه بو ایتلاف تشکیل ایتیلگن لیگیدن نییت مملکتده ییریک سیاسی و حربی مقصد بارلیگینی بیلدیرگن.
