دولت قوراللی مخالفلری‌گه قرشی عصیان کوتارگن محلی قوماندانلرگه طرفدار اونلب کیشی اوشبو قوماندانلردن حاجی جلال بوندن تورت کون آلدین مخدر ماده‌لرنی قاچاق قیلیش‌گه عیب‌لنیب ملی پولیس آرقه‌لی حبس‌گه آلینگن لیگی اعتراض بیلدیریب کوکچه اطرافی‌ده‌گی آلتی ولسواللیک یولی‌نی اهالی یوزگه یاپگنلر.
دشت قلعه ولسوال‌لیگی پولیس قوماندانلیگی‌نینگ عملیات آمری راشدنینگ سلام‌وطندارگه ایتیشیچه، مذکور شخصلر بوگون ایرتلب (چهارشنبه) قوماندان شهباز و ارباب رؤوف بویروغی اساسی‌ده کوکچه دریاسی‌ده‌گی ولسوال‌لیکلر یولی‌نی باغله‌گنلر. جناب راشد، اعتراضچیلر ملاموسی قاتلی قول‌گه آلینیشی‌نی هم سوره‌گنلر.
35 کیشی‌لیک گروه قوماندانی بولمیش ملاموسی چمه‌سی بیر آی آلدین موتری‌گه اورنه تیلگن ماین پارتلشی عاقبتی‌ده هلاک بولگن ایدی. تخار محلی حکومت رسمیلری، حادثه طالبلر تامانیدن اجرا ایتیلگن لیگی‌نی ایتگن ایدیلر.
تخار پولیس قوماندانی جنرال نورمحمد حکمی‌گه کوره، حاجی جلال‌نینگ ایریم جرملرده قولی بولگن‌لیگی سبب کوپ وقت‌دن بیری ملی پولیس کوچلری تعقیبی‌ده بولگن. مذکور اعتراض عامل‌لری کیملیگی توغریسی‌ده خبر سیز ایکن‌لیگینی ایتگن جناب حکیمی، مذکور شخصلر دولت مخالفلری‌گه قرشی عصیان کوتارلگن‌لیکنی سوء استعمال قیلیب دولت‌دن امتیاز آله‌دیلر.
جاری ییل میزان آیی نینگ 6- سی‌ده قوراللی طالبلر قندوز ولایتی‌گه هجوم قیلگن ایدی. قندوز اوچ کون جنگری طالبلر نظارتی‌ده بولگن اید.ی. قندوز جنگری طالبلر اشغالی‌گه اوتگن‌دن کیین 1400 کیشی ایریم محلی قوماندانلر و مجلس اعضالری رهبرلیگی‌ده قوراللنیب، ملی کوچلر بیلن طالبلرگه قرشی اوروش قیلگن ایدی. کورینیشیچه، مذکور شخصلر حاضر کونده محلی حکومت گه کته معما بولگن.
