اردو111 فرقه ایکینچی کندک قومندانی عبدالخبیرشکیب، کندوز اوروشیدن تنقیدقیلگنی باعث قماققه تشلندی. اوشبو حربی قومندان قرینداشلرینینگ ایتیشیچه، جناب شکیب و اورتاقلری چهاردره اوروشیده بیرینچی یاردم بیروچی گروه ایکن، اوندن کیین طالبلر برابریده گی اوروشده حکومتنینگ دقت سیزلیگیدن میدیاده سوزگه چیقگنی باعث، حربی ییریک رسمیلری تمانیدن وظیفهسی توخته تیلیب اوندن کیین حربی قماق خانهده یوباریلگن.
بو قومندان تمانیدن اجتماعی ترماغلرده نشر ایتیلگن ویدیوده؛ او کندوز اوروشی توغریسیده مدافعه وزیرلیگی رسمیلرینینگ ایشلری نماییشی دیه بیلگن. شونینگدیک بو تنقید مذکور قومنداننینگ فیسبوک صحیفهسیده هم کورینهدی.
قومندان شکیبنینگ فیسبوک صحیفه سیده یازیلگن پیامنی بیرقسمی گه کیلیشیچه، « کندوز ولایتی چهاردره تومنیده وطنیمنی دشمنلریگه قرشی کورهشیب یاتیب و دشمنلرگه قرشی اوروش گنیمدن هیچ زیریکمهیمن. بیراق حربی اورته سیده بیرلیک بولمهگنینی کوریب، کوز یومه آلمهی و حوصله قیله آلمهیمن. نیچه کوندن آلدین میدیالر کندوز اوروشی توغریسیده مین بیلن صحبتلشدی و مین هرنرسه دیگه نیم بولسه صداقت لیگیم و وطنیمگه ایچیم کویگنیدن ایتکن من».
بیراق مدافعه وزیرلیگی بو واقعه توغریسیده خبرسیزلیگینی ایتهدی. دولت وزیرینینگ سلاموطندارگه ایتیشیچه، مدافعه وزیرلیگی رسمیلریدن هر بیرینینگ شکایتی بولسه؛ و شکایتی حقیقی بولگن صورتده، اوزیگه تیگیشلی اداره ده جزاسیز شکایتینی روی خطگه بیریب ایزله آلهدی. بیراق جناب وزیری قومندان عبدالخبیر شکیبنینگ قضیه سیدن خبر سیزلیگینی ایتیب اورغولشیچه، بو کیشی حقلی بولگن صورتده اونی کیشی قماققه تشله آلمهیدی.
سونگی کونلرده مملکت شمالی منطقهلریده اوروش کینگه یگنیدن کیین، حکومتنینگ اوروش سیاستی توغریسیده حکومت رسمیلری نینگ ایشلریدن ییریک افسرلر و عسکرلر تنقیدی کوپهیدی.
