چاپار پرس ناملی انترنیت سایت‌نینگ امتیاز ایگه‌سی همده خبرچی نصرت‌الله اقبال‌نینگ ایتیشیچه، بوندن نیچه وقت آلدین افغانستان ملی امنیت اداره‌سی تامانیدن معین شخص‌لرگه قرشی فتنه اویغاتگن‌لیک‌ده عیب‌لَنیب حبس‌گه آلینگن. مذکور خبرچی‌گه کوره، ملی امنیت اداره‌سی‌نینگ ملازملری تامانیدن قتیق کلتک‌لنگن.
اوشبو خبرچی‌نینگ بوگون (دوشنبه) کابل‌ده اوتکزیلگن خبری بیر ییغین‌ده، چمه‌سی بیر آی ملی امنیت اداره‌سی‌نینگ تورمه‌سیده حبس مدتینی اوته‌گنی‌نی ایتگن. او، ملی خوف‌سیزلیک تامانیدن قوییلگن برچه عیب‌لاولر اساس‌سیز بولگن‌لیگنی بیلدیرگن.
جناب اقبال، ملی خوف‌سیزلیک اداره‌سی انترنیتی سایتی‌نی باغله‌گن و بوندن نیچه وقت آلدین اوز شخصی فیسبوک صحیفه‌سی آرقه‌لی عذر سوره‌گن.
اوشبو خبرچی‌نینگ سوزلریگه قره‌گنده، جمهور رییس مساله‌نی تیکشیریب گناه‌سیزلیگی اثبات‌لنگن‌دن سونگ، مملکت سابق ملی خوف‌سیزلیک ادراه‌سی باشلیغی رحمت‌الله نبیل و بو اداره‌نینگ قطار بلند مرتبه‌لی رسمیلرینی ایشدن آلیب دولت باشقره‌لاوچیلیگی‌گه تانیشتیرگن. اقبال‌گه کوره، رحمت‌الله نبیل جمهور رییس‌نینگ بو قیلمیشی‌نی اوزیگه نسبتن حقارت دیگن.
شونینگ‌دیک مذکور خبری ییغین‌ده نصرت اقبال ملی بیرلیک حکومتی‌نینگ رهبرلری، عدلی و قضایی اداره‌لردن پروپاگند قیلگن‌لرنی قولگه آلیب جزالش‌نی سوره‌گن.
هنوزگچه ملی امنیت اداره‌سی بو توغریده هیچ نرسه‌دیمه گن.
