.jpg)
اوتگن کون قطار جهاد رهبرلری تامانیدن «افغانستان برقرارلیگینی سقلاوچی» کینگش موجود لیگینی اعلان قیلدی، اما ایریم سیاسی تحلیلچی‌لر مذکور کینگش‌نینگ تشکیل ایتیلیشی مملکت منفعتی‌گه ایمس دیگن‌لر.
اوشبو ایش بیلرمانلر مذکور کینگش‌ده اشتراک قیلگن سیمالر سابق حکومت‌نینگ بلند مرتبه‌لی رسمیلریدن عبارت دیب، ایش دورلریده هم ایجابی فعالیت‌لری بولمه‌گن.
افغانستانلیک سیاسی تحلیلچی طاهر هاشمی‌نینگ سوزلریگه کوره، مذکور سیمالرنینگ کوپینچه‌سی سابق جمهور رییس حامدکرزی حکومتی‌ده موفق بولمه‌گن شخص‌لردن عبارت. جناب هاشمی، مذکور کینگش‌نینگ تشکیل ایتیلییشی‌دن بیرینچی نیت بو سیمالرنینگ ایریمیلرینی دولت بلند مرتبه‌لی ملازملریگه ایریشمه‌گن لیگلریدن کیلیب چیقه‌دی دیگن.
شونینگ‌دیک اونگه کوره، مملکتده‌گی حاضرگی وضعیت‌نینگ کته قسمی سابق جمهور رییس حامدکرزی زمانیدن قالگن‌لیگی باره‌سیده اشاره قیلگن.
سیاسی تحلیلچی‌لردن باشقه بیری لطیف نظری‌نینگ معلوم قیلیشیچه، مذکور کینگش نینگ تشکیل ایتیلیشی ایکی جنبه‌سی بولیشی ممکن. بیرینچی مذکور کینگش نینگ ایریم اعضالری حکومت‌نینگ لوازملریگه ایریشیش اوچون سعی و حرکت قیله دی وبعضی‌لری ایسه ایریم یولر بیلن حاضرگی حکومت‌نی ضعیف قیلیش اوچون اولگوره‌دی. افغانستان برقرارلیگینی سقلاوچی کینگش حکومت‌نینگ سیاسی اپوزیسیونی صفتیده هم فعالیت قیلیشی احتمال‌دن ییراق ایمس.
نمایده‌لر مجلسی‌نینگ اعضاسی صالح محمد‌صالح برقرارلیکنی سقلاوچی کینگش‌نینگ کوپینچه اعضالری جهادچی‌لر دیر و حاضرگی حکومت‌گه شریک بولمه‌گن‌لیکلری سبب بونده‌ی بیر حرکت‌گه قول اورگن دیگنلردیگن.
ملی مجلس‌نینگ باشقه بیر اعضاسی الله گل مجاهد، حکومت سقله‌نیب توریشی اوچون قربانلیک بیریش ضرور و ساده‌لیک بیلن مخالف جریانگه قوشیلمس‌لیک درکار. او، قوم بویوک‌لری، جهاد رهبرلری همده اهالی‌دن حکومت‌نی حمایت قیلیش‌لری باره‌سیده تاکیدله‌گن.
افغانستان برقرارلیگینی سقلاوچی کینگش اوزینی افغانستان ملی بیرلیک حکومتی‌نینگ ییریک سیاسی اپوزیسیونی حسابلیدی. عبدالرب رسول سیاف، محمد اسماعیل‌خان، یونس قانونی، عبدالهادی ارغندوال، زلمی رسول، صادق مدبر، محمدعمر داووزی، بسم الله محمد، عبدالرحیم وردک و عبدالرووف ابراهیمی مذکور کینگش نینگ اساسچی‌لردن.
