قندوز طالب‌لر قولی‌گه سقوط قیلگنی‌دن کیین، قندوز اطرافی و عمومی قتناو یوللر چیککه‌سیده، اوشبو گروه‌گه تیگیشلی کیشی‌لر حضوری، سوداگرلرنی قیین‌چیلیک‌که روپه‌ره قیلگن. شیرخان بندر گمرک باشلیغی شهاب‌الدین بارورنینگ ایتیشیچه، اوشبو بندر عایدی سونگی ایکی آی‌ده تکرارسیز شکلده کمه‌ییب و 160 میلیون افغانی‌گه ییتیشگن.
شیرخان بندر مملکت‌ده اونملی سوداگرلیک بندرلردن بیری سنله‌دی و افغانستان‌نی اورته آسیا مملکت‌لری بیلن باغله‌یدی. طالب‌لر قندوزنی قولگه کیریتگن چاغیده، اوشبو منطقه‌نی قیسقه مدت نظارت‌گه آلگن. ایتیلیشیچه، قندوز اوروشی شیرخان بندر عایدی‌گه 100 میلیون افغانی‌دن آرتیق زیان ییتکیزگن.
جناب بارورنینگ ایتیشیچه، قندوز سقوطی‌دن کیین، اوشبو بندر عایدی تکرارسیز شکلده کمه‌یگن و احتمال باریچه بیرآز مدتدن کیین، عایدی صفر بوله‌دی. سوداگرلردن کوپینچه‌سی اوروش چاغیده، مذکور بندردن دارایی‌لرینی چیقارگن و حاضر ترانزیتی مال‌لردن 80% افغانستان بندرلری و باشقه یوللریدن وارد یاکه صادر ایتیله‌دی.
جناب بارورگه کوره، سوداگرلر و عمومی قتناو یوللر امنیتی تأمین ایتیلیشی خصوصیده، چاره تدبیر کوریلمه‌گن صورتده، اوشبو بندرنی گمرکی تیزیمی تیزلیک‌ده اورته‌دن کیتیشی ممکن.
قندوز طالب‌لر قولی‌گه سقوط قیلیشی‌دن آلدین، کونده 100 سوداگرلیک نقلیه، اوشبو بندردن صادر ایتیلیب و بدلی‌گه باشقه 10 سوداگرلیک نقلیه مملکت‌گه وارد بوله‌دی ایکن. بیراق، حاضر صادر ایتیله‌دیگن سوداگرلیک نقلیه رقمی 10 گه ییتیشگن و شونینگ‌دیک وارداتی نقلیه 1 یاکه 2 گه کمه‌یگن.
مملکت سوداگرلریدن بیری فهیم رحیمی‌نینگ ایتیشیچه، تینچ‌سیزلیک‌لر سوداگرلرنی خواطرگه سالگن. شیرخان بندر سوداگرلیک اهمیتی توغری‌سیده، اونینگ ایتیشیچه، اوشبو بندردن یخشی منفعت قولگه کیریتیله‌دی و سوداگرلر قولی‌لیک‌ده اوندن وازکیچمه‌یدی.
عین حالده، قندوز امنیه قومندانی محمد قسیم جنگل‌باغ، قندوز یشاوچیلری و سوداگرلریدن راحت لیک‌ده، اوشبو بندرده فعالیت‌لری و ایشلریگه دوام بیریش‌لرینی سوره‌دی. جناب جنگل‌باغ‌نینگ ایتیشیچه، دولت تیزلیک‌ده طالب‌لرنی بوتون قندوز ولایتی‌دن چیقاره‌دی.
حاضرگه‌قدر طالبان گروهی‌گه تیگیشلی کیشی‌لر، قندوز تومن‌لریدن کوپینچه‌سیده موجود و اولردن بیرقطاری قندوز شهری اطرافیده هم کورینه‌دی. قندوز طالب‌لر جمهور رییس غنی اوشبو ولایت‌گه سفر قیلگن چاغیده، جمهور رییس بیانیه بیره‌دیگن محل‌نی یریم کیلومترلیگی‌ده موشک آتگن.
