مملکت معارف وزیرلیگی‌نینگ حساباتیده 15یاشدن یوقاری بولگن 62 فایز مملکت اهالیسی سوادسیز بولگنی معلوم قیلینگن و قالگن 38فایزی ایسه اوقیش و یازیش‌نی بیله‌دیلر.
مذکور وزیرلیک‌که کوره، 1393- ییلدن بوگونگچه سوادلی‌لر سانی 48فایزگه ییته‌دی. اما بور رقم ایسه جاری ییلده 38فایزگه کیلیب قالگن. معارف وزیرلیگی سواد اورگه‌تیش اورین باسری محمدعظیم کربلایی 78فایزگه ییقین عیال‌لر سواد سیزلردیگن. بو ایسه ایرکک سوادسیزلرگه قره‌گنده آز ایمس. مملکت بویلب ایرکک‌لردن 52 فایزی سوادلی و 48 فایزی ایسه سوادسیزدیر.
سواد اورگه‌تیش معینی‌گه کوره، هر ییل مملکت بویلب سواد سیز قالگن 600مینگ کیشی سواد اورگه‌تیش معین‌لیگی چهارچوبه‌سیده تربیه‌لنیب سواد چیقره‌دیلر.
معارف وزیرلیگی مسوول‌لری مملکتده سواد اورگه‌تیش برنامه‌سی‌نینگ کیینگه قالگن‌لیگی اوچون بیرینچی عامل اوتگن ییل‌لرده بو مساله‌گه اعتبار قره‌تیلمه‌گنلیک سبب بولگن دیگن‌لر. وزیرلیک‌نینگ سوزلاوچی‌سی مجیب مهردادنینگ سلام‌وطندارگه ایتیشیچه، معارف وزیرلیگی‌نینگ بیرینچی رجه‌سی مملکت بویلب سوادلی کیشی‌لر سانینی آشیریش. شونینگ‌دیک مهرداد بو مساله وزیرلیک کامیاب بولیشی اوچون ملی بیرلیک حکومتی رسمیلرینیگ اعتبار قره‌تیشلریگه باغلیق دیگن.
جناب مهردادنینگ سوزلریگه کوره، عیال‌لرگه سواد اورگه‌تیش لایحه‌سی 2016-ییل‌گه قدر بریتانیا دولتی تامانیدن مالی یاردمی تولنردی دیب بو لایحه ایسه 2017 ییل‌گچه چوزیلگنی‌نی ایتگن. مذکور برنامه اساسیده 180مینگه عیال سواد اورگه‌تیش لایحه‌سیگه قاپلنه‌دی.
معارف وزیری اسدالله حنیف بلخی، مملکتده سوادسیز کیشی‌لر رقمی بلند بولگن لیگینی دلیلی سابق حکومت‌لرنی اعتبار قره‌تمه‌گنی، امکانات یوقلیگی، اورگه‌تیش اوچون مناسب زمینه بولمه‌گنی، نابرقرارلیک و افغانستان بیلن بیرلشگن ملتلر اورته‌سیده هماهنگ‌لیک بولمه‌گنلیگی‌نی عامل قیلیب کورستگن. بوگون کابلده بیر خبری ییغین‌ده سوزله‌گن جناب حنیف، سونگی بیر نیچه ییلده دنیا جماعه‌چیلیگی‌نینگ معارف اوچون اعتباری آشگن دیگن.
مذکور وزیرلیک‌نینگ رسمیلری بوندن بویان عیال‌لر سوادلر آشیریلیشی اوچون مخصوص اعتبار قره‌تیلیشی‌نی بیلدیرگن‌لر.
