هرات ولایتینینگ اونلب یشاووچیسی نمایش اوتکزیب اخیرگی وقتلرده مملکت بویلب ترورچیلرنینگ فعالیتی آشگنلیگی باعث ملی بیرلیک حکومتینینگ رهبرلریدن اوز ایچکی نزاعلرینی کیینگه قویبب، باشقه خلق حیاتی بیلن اوینمسلیکلری بارهسیده تاکیدلهگنلر.
مذکور ییریک ییغینده قتنشگن ولایتنینگ اون بیش ولسواللیگی دین عالملری، قوم بویوکلری، سیاسی حزبلر نمایندهلر و مدنی جماعهچیلیک فعاللری افغانستان بویلب امنیت تامین ایتیلیشینی سورهگنلر.
شونینگدیک ییغین اشتراکچیلری امنیتی کوچلردن اهالی حمایت قیلیشی افغان ملی کوچلری روحیهسی آشیشیگه سبب بولهدی دیگنلر و ییغین اوتکزیشدن نیت هم ملی کوچلرگه روحیه بیریش بولگن.
ولایت چیگرهلر ریاستینینگ سرپرستی نهیک فلاحنینگ اوشبو ییغینده نطق سوزلب، ملی بیرلیک حکومتی رهبرلریدن امنیت تامین قیلینیشی و یاشلر ایش جایی بیلن تامینلهنیشینی طلب قیلگنلر.
هرات ولایتی یرهش کمیتهسینینگ باشلیغی غلامسرور بارکزی، مملکتده صادر ایتیلهدیگن ترورچیلیک هجوملرنی اسلام و انسانیتگه قرشی دیب، کوپینچه ترورچیلر مملکت چیگرهسیدن نریاغیده تربیهلنیشنی بیلدیرگن. جناب بارکزی، مذکور ییغیننینگ کوپچیلیک اشتراک چیلری ولایتنینگ چیگره حدودلری یشاووچیلری ایکنلیگینی تیلگه آلگن.
هرات ولایتی جاریی باشلهنیشیدن بیر دولت قوراللی مخالفلری تامانیدن اکثریت ولسواللیکلری هجوم آستیگه آلینگن بیر چاغده بوندهی ییریک نمایش اوتکزیلیشنینگ گواهی بولماقده.
