کابل یشاوچیلری کونده عمومی و پیاده یوللریده باردی و کیلدی گاوجوم‌لری و ترافیکی قیین‌چیلیک‌لرگه روپه‌ره بوله‌دی. شهرده اینیقسه شهر مرکزی «ده‌افغانان» ده ییترلی نقلیه واسطه یوقلیگی خلق اوچون کوپینچه قیین‌چیلیک‌لرنی یوزه‌گه چیقارگن.
شهر یشاوچیلری موتر تاپیش اوچون ساعت‌لرچه یوللر چیککه‌سیده کوته‌دی. اولردن بیرقطاری سلام‌وطندار بیلن صحبت اوتکزیب، جمعیت کوپلیگی، وزیرلیک‌لر کوپه‌یگنی، تیزیم سیزلیک و کابل شهریده ترافیکی سیستم یوقلیگی، شهر گاوجوملیگی‌نی اساسی دلیل‌لردن دیگن.
ترانسپورت وزیرلیگی سوزلاوچیسی حکمت‌الله قووانچ‌نینگ سلام‌وطندارگه ایتیشیچه، پایتخت‌ده‌گی گاوجوملیک و ترافیکی قیین‌چیلیک‌نی اصلی سببی، جمعیت کوپلیگی، یوللرده آست قوریلمه‌لر یوقلیگی و ترافیکی تیزیم توخته‌تیلیشی دیر.
ترانسپورت وزیرلیگی سوزلاوچیسی‌نینگ ایتیشیچه، اولر عمومی نقلیه واسطه کم‌لیگی‌گه روپه‌ره بولگن؛ بیراق اوشبو نقلیه واسطه‌لردن حاضرگی شرایط‌ده کابل شهریده فایده‌لنیب بولمه‌یدی. دیمک نه فقط شهرده شخصی موترلر کوپ، بلکیم باردی و کیلدی یوللر تارلیگی باعث، اوشبو واسطه‌لردن فایده‌لنیش قیین بوله‌دی.
ترانسپورت وزیرلیگی سوزلاوچیسی، یوک تاشیوچی واسطه‌لر خصوصیده، هند یاردم‌لریگه اشاره قیلیب ایتیشیچه، هند مملکتی کیله‌سی ییل، افغانستان‌گه یوک تاشیوچی واسطه‌لر توغری‌سیده تورلی ملی بس یاردم بیریش‌گه قرار قیلگن. شونینگ‌دیک، هند مملکتی، افغانستان دولتی‌گه استندرد بنالر، بس ایستگاه‌لری، سایه‌بان و یاش کوچلرنی تربیه‌لش خصوصیده، سوزبیرگن.
باشقه تاماندن، کابل ترافیکی لایحه‌لر مدیری سمنوال عبدالقادرنینگ، سلام‌وطندار بیلن اوتکزگن صحبتیده ایتیشیچه، پایتخت‌ده‌گی ترافیکی و گاوجوملیک دلیلی جمعیت کوپلیگی دیر. کمیده آلتی میلیون کیشی کابل‌ده یشه‌یدی. جناب عبدالقادرنینگ ایتیشیچه، ترافیک اداره‌سی ترانسپورت وزیرلیگی همکارلیگی‌ده، شهرده نیچه تونس یولگه تشله‌گن؛ بیراق اونگه کوره، بو ایش اساسی ایمس، دیمک ترافیکی آست‌قوریلمه‌لر نه فقط کابل‌ده، بلکیم بوتون مملکت‌ده ییترلی ایمس و بو ایش‌لر بیلن شهر گاوجوملیگی توغری‌سیده‌گی قیین‌چیلیک‌نی حل قیلیب بولمه‌یدی.
ایتیش لازم، مینگ‌لرچه شخصی موتر یانیده، عمومی نقلیه واسطه‌لرگه ایستگاه یوقلیگی، معیارسیز یوللر، شهر جمعیتی کوپلیگی، دولت بلند مرتبه‌لی رسمی‌لرنینگ موترلری اوتیشی و شهر اونوملی یوللریدن بیرقطاری توسیلیشی شهر گاوجوملیگی‌نی کوپه‌یتیرگن.
