اوتکن کون کابل‌ده، افغانستاندن اروپا مملکت‌لر کیتیشی‌گه قرشی کمپاینی اوتکزیلدی. کمپاین اشتراک‌چیلری، حکومت‌دن افغانستانده امنیت تأمین ایتیلیشی، یاشلرگه ایش جایلری تأمین‌لب اولرنی اروپا مملکت‌لریگه چیقیب کیتیشی آلدی آلینیشینی سوره‌گن.
اوشبو کمپاین یاشلرنی کوچلنتیریش و عدالت و بیرلشیک قوریلمه‌لری تامانیدن یولگه قوییلیب و بیر آی‌گچه کابل شهری ایریم منطقه‌لریده دوام ایتیشی ممکن.
کمپاین اشتراکچیلرینینگ ایتیشیچه، دولت بو یاشلر اوستیگه سرمایه یاتقیزگن و حاضرگی شرایط‌ده اولردن ایش آلیشی لازم. عدالت و بیرلشیک قوریلمه اعضالریدن بیری حمیرا قادری‌نینگ، کمپاین جریانیده سلام‌وطندارگه ایتیشیچه، یاشلرنی غربی و اروپا مملکت‌لریگه چیقیب کیتیشی اوز مملکت‌لری خصوصیده مسؤولیت سیزلیگی‌نی کورسته‌دی.
اوشبو کمپاین کابل شهری دارالامان منطقه‌سی حبیبیه مکتبی اونگیده یولگه قوییلیب و شونینگ‌دیک، مملکت قاچقین‌لری و مهاجرلر وضعیتی‌نی نمایش‌گه قویگن. اوشبو نمایش ایشچیلری، اروپا مملکت‌لریگه یول آلگن‌لرنینگ قیین‌چیلیگی، تیریک چیلیگی و چیگل‌لیک‌لرینی تصویرگه چیقارگن‌لر.
بیرلشگن ملت‌لر تشکیلاتی تامانیدن بیریلگن رقم اساسیده، جاری ییل افغانستان، سوریه و ایران مملکت‌لریدن 381 مینگ کیشی اروپا مملکت‌لریگه بارگن و بو جمله‌دن 77 مینگ کیشی افغانستان یشاوچیسی بولیب و بو میزان اوتکن ییل 58 مینگ کیشی‌گه ییتیشردی.
