جمهور رییسنینگ حقوقی مصلحتچیسی عبدالعلی محمدی، کابل بانک پولینی ییغیش اوچون جمهور رییسلیک سرایی، کابینه و کابل بانک دوسیهسی اوچون وجودگه کیلگن مخصوص محکمهدن تشکیل پاتگن کمیسیون، کابل بانک قرضدارلری قرضلرینی دولتگه تولگهگن حالده کمیسیون اولرنی آزاد ایتیلیشی اوچون قرار آلگن دیگن.
جناب محمدیگه کوره، مذکور قرضدارلر حکومت تامانیدن حبسگه آلینشیدن نیت اهالی نینگ پولی قولگه کیریتیلیش دیر و اوشبو شخصلر تورمهدن آزاد ایتیلگن حالده، مملکتدن قاچه دیلر یا – ده قرضلرینی توله آلمیلدیلر.
بوگون (چهارشنبه) کابلده «هوشمند شهرچهسی» آچیلیش مراسمیده سوزلهگن جناب محمدی، اوشبو شهرچهنینگ ییریک شریکلریدن بیری کابل بانک اصلی قرضدارلریدن همده بو بانکنینگ مدیره هیأیتی خیلیلالله فیروزی دیر؛ او حکومتنینگ مذکور قراری اساسیده تورمهدن آزاد ایتیلگن.
جمهور رییس حقوقی مصلحتچیسی جناب محمدیگه کوره، کابلبانک پوللرینی قولگه کیریتیش اوچون افغانستان کابینهسینینگ بوتوغریده آلگن قراری اینگ یخشی تنلاو حسابلنهدی.
اونینگ سوزلریگه کوره، کابل عالی محکمهسینینگ حکمی اساسیده جناب فیروزی بوتون قرضینی دولتگه تولهشی کوتیلهدی.
اوشبو شهرچه آچیلیش مراسمیده اشتراک قیلگن خلیلالله فیروزی، سرمایه یاتقیزیش یولی بیلن حکومتدن قرضینی اوزیش اوچون دولت فرصت بیرگنلیگی اوچون خوشلیک بیلدیرگن.
فیروزیگه کوره، عالی محکمه حکمی اساسیده 137 میلیون دالر افغانستان حکومتی دن قرضدار. مذکور مبلغ فیروزی تامانیدن ییتی ییلگه قدر تولهنیلیشی قید ایتیلگن. اونینگ سوزلریگه قرهگنده، هنوزگچه 20% قرضینی تولهگن. عین حالده، فیرزوی تجارت و سرمایه یاتقیزیش بیلن ایکّی و اوچ ییلده بوتون قرضینی تولهشی بارهسیده وعده بیرگن.
شونینگدیک جناب فیروزی قرضینی تولش اوچون «گاز گروپ» شرکتینی قیته فعال قیلیشنی ایتگن. گاز گروپ شرکتی 122 میلیون دالر سرمایه یاتقیزیلیشی بیلن جناب فیروزی تامانیدن قوریلگن ایدی.
جناب فیروزی، مذکور شرکت فعال ایتیلگندن ییتی آی کیین کابلنینگ ایریم منطقهلرینی گاز قووری آرقهلی یانیلغی مادهسی بیلن تامینلشدن سوز بیرگن.
هوشمند شهرچهسی کابل خلق ارا هوا میدانی و آریا شهرچهسی یقینیده جایلشگن. مذکور شهرچه 68جریب ییرده 40 بلاک ده تورت ییلده قوریلیشی نظرده توتیلگن.
هوشمند شهرچهسی مسووللریگه کوره، 600 دن 900 میلیون دالر مذکور شهرچه قوریلیشی اوچون سرمایه یاتقیزیلهدی. ایتیلیشیچه، مذکور شهرچهده ایکی مینگ کیشی ایش جایی بیلن تامین لنهدی.
مملکت شهر قوریش وزیری سیدسعادت منصور نادریگه کوره، هوشمند شهرچهسی مذکور وزیرلیک نظارتی آستیده قوریلهدی. حکومت اوشبو شهرچهدن 75 میلون دالر قولگه کیریتهدی. اونگه کوره، 13 ییل جریانیده بو بیرینچی شهرچه افغانستان حکومتی ییریک درآمد قولگه کیریتهدی.
ایتیلیشیچه، مذکور شهرچه 40 بلاک و 4800 آپارتماندن عبارت بولیب، شهر قوریش وزیرلیگی معیاری اساسیده قوریلهدی.