افغانستان ملی مدافعه وزیرلیگی‌نینگ سرپرستی معصوم استانکزی، 20 دن 30 ترورچی گروه تورلی بولیم‌لرده افغانستان و منطقه نابرقرارلیگی اوچون فعالیت قیله‌دیلر دیگن. جناب استانکزیگه کوره، مذکور گروه‌لر افغانستان‌نی اوزلری اوچون خوف‌سیزلیگی تامین ایتیلگن مرکزگه ایلنتیریب، مملکت توپراغیدن توریب منطقه‌نی تهدید قیله‌دیلر.
ملی مدافعه وزیرلیگی‌نینگ سرپرستی اوشبو گروه‌لر ایریم تیوه‌ره‌ک لرتامانیدن حمایه ایتیله‌دی دیگن و اوز نیت‌لریگه ایریشیشی اوچون بیر- بیراولری بیلن همکارلیگی بار. قورال‌لی طالبلر بیلن اوروش میدانی‌ده ملی کوچلرنی شکست‌گه روپه‌ره لیگی باره‌سیده‌گی آوازه‌لرنی رد قیلگن استانکزی، مذکور کوچلر یخشی صورت‌ده مملکت‌نی مدافعه قیلش قابلیتی‌گه ایگه دیگن.
یاردم کورستوچی مملکت‌لر اشتراکی‌ده کابل‌ده اوتکزیلگن ییغین‌ده سوزله‌گن جناب ستانکزی، یاردم بیروچی مملکتلردن تورلی ساحه‌لرگه یاردم کورسه‌تیش، افغانستان دولتی‌نی سیاسی حمایت قیلیش، منطقه‌ده ترورچیلیککه قرشی کوره‌شیش، هوا کوچلری تقویه له‌نیشی، امنیتی کوچلری تربیه‌له‌نیشی اوچون دنیا معیارلریگه ماس همکارلیک قیلیش ضرور دیگن.
شونینگ‌دیک وزیرلیک یوتوقلری حقیده سوزله‌گن استانکزیگه کوره، یقین‌ده جنرال‌لردن 60ته‌سی تورلی لوازم‌لرگه تعیین ایتیلگن و شونینگ‌دیک تورت میلیون تیل بیکارگه کیتیش آلدی آلینگن. او، جاری ییل‌نینگ بیرینچی آلتی آیی‌ده 50 مینگ یاشنی ملی کوچلر صفی‌گه جذب قیلگن.
عین حالده، مذکور ییغین‌ده اشتراک قیلگن نورالحق علومی‌گه کوره، وجودگه کیلگن بوشلیق‌لردن فایده‌له‌نیب طالب‌لرایریم ولایت‌لرده یاشیرون مرکزلر ایجاد قیلگنلر دیگن. شونینگ‌دیک او، افانستان هیچ بیر زمان ترورچیلر مرکزیگه ایلنمس لیگی باره‌سیده تاکیدله‌گن.
مذکور ییغین مسؤولیتی‌نی اوز ذمه‌سیگه آلگن مالیه وزیری، بو ییغین اوتکزیلیشی‌دن اساسی نیت یاردم کورستوچی مملکت‌لرنی افغانستان‌گه تورلی ساحلرگه کومک قیلیش‌لری اوچون یول‌گه قوییلگن دیگن. شونینگ‌دیک کیلگوسی ییل «وارسا» ییغینی بروکسل‌ده اوتکزیله‌دی. مذکور ییغین‌ده اوشبو مملکت‌لر افغانستان حکومتی‌گه یاردم کورسته‌تیش مساله‌سی محاکمه ایتیله‌دی.
