افغانستان عاموی اخبارات واسطه‌لری مسؤوللری‌نینگ بیر قطاری، مدیا ده تلویزیونی بحث‌لر تخصصی همده طرف‌سیز شکل‌ده ترقه‌تیلیشی کیره‌ک دیگن‌لر.
بوگون (پنج‌شنبه) عاموی اخبارات واسطه‌لری‌نینگ «افغانستان میدیوتیک» آیلیک ییغینی « بحث‌لرده عاموی اخبارات واسطه‌لری‌نینگ قیلمیشی» نامی آستیده اوتکزیلگن اولتیریش‌ده عاموی اخبارات واسطه‌لری‌نینگ تلویزیونی بحث‌لری همده خبری یاین‌لرده طرف‌سیز عمل قیلیش‌لری باره‌سیده تاکیدلنگن.
کونده‌لیک یازووچی شاه‌حسین مرتضوی‌نینگ سوزلریگه کوره، بعضی تلویزیون‌لرده ایریم حادثه‌لرده اوزطرف‌سیزلیکلرینی اختیار ایته آلمیدی و اولرنینگ بو قیلمیشی ایسه مملکت‌نی کیله‌جککه بحرانگه روپه ره قیله‌دی.
جناب مرتضوی، عاموی اخبارات واسطه‌لری خبرلر، گزارش‌لر، تحلیل‌لر و بحث‌لرده مملکت‌ده تیل، سمت و قوم‌لر اورته‌سیده سلبی تاثیر اوتکزه دیگن مساله‌لر اوستیده بحث قیلمس‌لیکلری کیره‌ک دیگن.
جناب مرتضوی گه‌کوره، بعضی تلویزیونلرنی حزب و تشقی مملکت‌لرگه باغلیق‌لیگی اولرنی عاموی اخبارات واسطه‌لری قانونی‌دن چیقیشی‌گه باعث بولمس لیگی ضرور.
شونینگ‌دیک جناب مرتضوی خبرچی‌لر صنفی ادارلری ایریم موردلرده قیلمیش‌لری ضعیف دیگن و افغانستان اخبارات و مدنیت وزیرلیگی هم اوز مسؤولیتی نی دییرلی عمل‌گه آشیرمه‌گن. اونگه کوره، حاضر اخبارات ومدنیت وزیرلیگی بیلن عاموی اخبارات واسطه‌لری اورته‌سیده ایشانچ‌سیزلیک دیواری وجودگه کیلگن.
خصوصی خبرگزارلیک‌لردن بیری‌نینگ باشلیغی دانش‌کروخیل، افغانستان مدیاسی خبر، گزارش، تحلیل و بحث‌لر اوتکزیش بیلن مملکت خلقی‌گه دوست بیلن دشمن‌نی تعریف قیلیشی لازم دیب اورغوله‌گن.
عین حالده، افغانستان میدیوتیک مسؤوللری، مملکت عاموی اخبارات واسطه‌لری حاضرگی شرایط‌ده بحث‌لرنینگ یاشیرون و غیر فیزیکی مساله‌سیدن تشقری فیزیکی موضوعی توغریسیده کوپراق بحث قله دیلر دیگن.
شونینگ‌دیک اوشبو اداره‌نینگ مسؤوللری، اجتماعی و سیاسی برنامه‌لرنینگ بیرینچی نیتی اهالی‌نینگ فیزیکی ورحی خوفسیزلیگی گه ایجابی تاثیر قالدیریشی عاموی اخبارت واسطه‌لری‌نینگ اخلاقی مسؤولیتی‌لریدن بولیشی کیره‌ک دیگن‌لر.
