افغانستان برقی‌نی تأمین‌له‌یدیگن برشنا شرکتی، بیرقطار اداره‌لر، دولت رسمی‌لری و زورهوانلرنینگ برقی‌نی پول توللمه‌گن‌لری باعث کیسه‌دی.
شونینگ‌دیک اوشبو شرکت، بیر رویخط‌ده حاضرگی و سابق دولت رسمی‌لری بیرقطارلری‌نینگ آتی‌نی برق خرجتی‌نی توللمه‌گن‌لری باعث، میدیا و محل قوم بویوک‌لری حضوریده فاش قیلدی.
اوشبو رویخط‌گه اساس، ننگرهار ولایتی‌نینگ سابق والیسی گل‌آغا شیرزوی، مدنیت و معلومات وزیرلیگی‌نینگ سابق وزیری سید مخدوم رهین، سنامجلسی باشلیغی فضل‌هادی مسلم‌یار و نماینده‌لر کینگشی عضوی لالی حمیدزی، برق خرجتی‌نی توللمه‌گن.
بیرقطار دولتی و غیر دولتی اداره‌لر و زوره‌وان کیشی‌لر تامانیدن برق خرجتی توللنمه‌گنی، انچه ییل‌لردن بویان برشنا شرکتی‌گه قرشی جدی قیین چیلیک سنله‌دی. اوشبو شرکت رسمی‌لری‌نینگ ایتیشیچه، حکومت کابینه‌سی مذکور کیشی‌لر و غیر دولتی ادارلرگه برق پولینی توللش خصوصیده، بیر هفته وقت بیرگن؛ بیراق اولر بیر هفته جریانیده‌هم برق پولینی توللمه‌گن.
برشنا سوداگرلیک باشلیغی میرویس عالمی‌نینگ ایتیشیچه، (چهارشنبه کوندن) باشلب کابل‌ده، مذکور کیشی‌لرنینگ اویلری و اداره‌لرنینگ برقی کیسیلیب و اوزلری عدلی و قضایی اداره‌لرگه تانیشتیریله‌دی. اوشبو شرکت رسمی‌لریگه کوره، بو لایحه چهارشنبه کوندن باشلب باشقه ولایت‌لرده‌هم باشله‌نیشی ممکن.
برشنا رسمی‌لری‌نینگ ایتیشیچه، اوشبو رسمی‌لر و زورهوانلرنینگ برقی‌نی کیسیش قولی ایمس و اولر ایریم پیت‌لرده برشنا ایشچیلری‌نینگ کلتک‌له‌یدی؛ انه شو سبب، مذکور شرکت امنیتی کوچلر همکارلیگی‌ده بو ایش‌نی عمل‌گه آشیره‌دی.
برق کیسلیش لایحه‌سی میدیا حضوریده کابل شهری شیرپور منطقه‌سیدن باشلندی. گل آغا شیرزوی بیلن مدنیت و معلومات وزیرلیگی سابق وزیری سید مخدوم رهین‌نینگ اویی شو منطقه‌ده بولیب و برق خرجتی‌دن نیچه لَک افغانی قرضدار قالگن‌لر.
کابل شهری وزیر اکبرخان و شیرپور منطقه‌سی برق مسؤولی حشمت‌الله‌نینگ ایتیشیچه، حکومت سابق رسمی‌لری نیچه آی‌دن بویان برق پولینی توللمه‌گن.
شونینگ‌دیک برشنا شرکتی بوندن آلدین، بیرقطار زوره‌وان‌کیشی‌لر و اداره‌لر برقی‌نی پول توللمه‌گنی باعث کیسگن ایدی و اوشبو شرکت رسمی‌لریگه کوره، نتیجه‌ده کمیده 400 میلیون افغانی قالگن پول‌لردن قولگه کیریتکن ایکن.
