نمایندهلر مجلسی کوپچیلیک آواز بیلن باجخانهلر، درآمد، مالی ایشلر و اوتیش جوازی بارهسیدهگی جمهور رییسنینگ تقنینی فرمانینی رد قیلدی.
جمهور رییس مذکور فرماننی نمایندهلر مجلسینینگ یازگی دم آلیش چاغیده صادر ایتگن ایدی.
اوشبو فرمان مملکت اساسی قانونی نینگ 79- مادهسیگه موافق جمهور رییس مجلس نمایندهلرینینگ تعطیلات ایامیده مالی مسالهلرگه عاید تقنینی فرماننی صادر قیلیش حقیگه ایگه بولمهگن بیر چاغده رد ایتیلگن.
مجلسنینگ مالی و بودجه کمیسیون اورین باسری عظیم محسنینینگ بو حقده ایتیشیچه، جمهور رییسنینگ مالی ایشلر فرمانلری اساسی قانونینگ 79- مادهسیگه ضد دیر و کیلگوسی ییغیندهلر بو موضوع اوستیده بحث ایتلیشی لازم.
عین حالده، اوشبو کمیسیوننینگ باشقه بیر اعضاسی صادقزاده نیلی بو فرمان رد ایتیلیشینی سورهگن.
شونینگدیک اوتگن هفته نمایندهلر مجلسی مخابرات ترماقلرمشتریلریدن آلینه دیگن مالیاتنی رد قیلگن ایدی. اوشبو فرمان هم جمهور رییس تامانیدن مجلسنینگ یازگی تعطیلیده صادر بولگن ایدی. جمهور رییسنینگ مذکور فرمانی اساسیده مخابرات ترماقلر مشتریلردن 10 فایز دولت حسابیگه اوتهدی.
