بوگون کابلده قطار یاشلر بورقه (چادری) کییش بیلن عیاللرگه قرشی زوروانلیککه پایان بیریلیشی توغریسیده تاکیدلهگنلر. مذکور شخصلر کابلده جایلشگن انسان حق و حقوقلری ادارهسی مقابلیده توپلنیب، خاتین قیزلرگه قرشی قوللنیلهدیگن مدنیتگه ضد شعار بیرگنلر.
مذکور اعتراضنی یولگه قویگنلردن بیری بصیر بیتانینگ سلام وطندارگه ایتیشیچه، اوشبو ییغیلیشدن نیت مارچ آیینینگ سکیزینچی کونینی نا رسمی و اعتراضلی شکلده نشانلش دیر.
جناب بیتاگه کوره، بیز بورقه کییهدیگنلرگه قرشی و یا اولرنی حمایت قیلمیمیز. فقط بوندهی اعتراض بیلن عیاللردن اوز حمایتیمیزنی اعلان قیلدیک.
شونینگ دیک جناب بیتا، یالغوز شهرلرنینگ مهتشم هوتللریده ییغین اوتکزیب سکیزینچی مارچنی نشالشگه چیکلهنیب قالمس لیک کیرهک.
بیز بو خیابانی اعتراض بیلن عیاللر توغریسیده ایش قیلهدیگن ادارهلرگه آز خرجت بیلن کته ایشلرنی قیلیش ممکن لیگینی بیلدیره میز دیدی او.
مذکور اعتراضده قتنشگن مینا میرزاد نینگ سلام وطندارگه بیلدیریشیچه، بوندهی حرکتلر مملکتده عیاللرگه قرشی یوز بیرده دیگن حادثهلر کمیشیگه ایجابی تاثیری بار.
اونگهکوره، بورقه کییش اوزی عیاللر برابریده بولگن زوروانلیکلردن سنهلهدی.
اونگه کوره، هنوزگچه هیچ کیم بوندهی اعتراض بیلدیرمهگن. بوندهی حرکتلر خیابانی و نمایشی اعتراضلر باشله نیشیگه بیر الگو دیر.
بو قبل اعتراض بوندن نیچه وقت آلدین مملکت هنرمندلریدن بیری کبرا خادمی تیمیر لباس کییب اعتراض بیلدیرگن بیر چاغده یولگه قوییلماقده.
