افغانستان جمهور رییسینینگ بیرینچی اورین باسری جنرال عبدالرشید دوستم، طالبلر افغان ملی کوچلری بیلن کورهشیش کوچیگه ایگه ایمس دیب، تیزلیکده اوزی اوروش میدانیگه چیقیشیدن خبر بیرگن.
جنرال دوستم بوگون بیر بلند مرتبهلی هیأت رهبرلیگیده مملکت شمال و شمال شرق ولایتلرخوفسیزلیک وضعیتینی یقیندن تیکشرییش اوچون جوزجانگه سفر قیلیب بیر خبری ییغینده ایتیشیچه، جنگری طالبلرنینگ قندوز، فاریاب و جوزجان ولایت ولایتلریده هجومی آشگن. او، جنگریلر هجومی آلدی آلینیشی اوچون تیزلیکده ییریک حربی عملیات اوتکزیشدن خبر بیرگن.
دوستمنینگ ایتیشیچه، افغانستان ملی بیرلیک حکومتی تشکیل ایتیلگندن بویان اوروش کوپیگن؛ اما افغانستان دولتی امنیتی معمالرگه ییتیشیشدن تشقری باشقه بولیملرگه هم جدی اعتبار قرهتیش اوچون قرار آلگن.
عین حالده، فاریاب ولایت کینگشینینگ رییسی عبدالباقی هاشمی سلام وطندار بیلن تیلفون آرقهلی سوزلهشیب، غورماچ ولسواللیگیده «شمیشر15» ناملی حربی عملیات ملی همده هوا کوچلری تامانیدن حمایت ایتیلمهگنی سبب توختهتیلگنیدن خبر بیرگن. جناب هاشمی، افغان ملی کدوچلری طالبلر بیلن اوروش قیلیش اوچون معین برنامهسی یوق دیگن.
جنگری طالبلر جاری هفته یکشنبه کونی فاریاب ولایتینینگ غورماچ ولسواللیگیگه هجوم قیلیب، مذکور تومننی اوز نظارتیگه آلدی. ایتیلیشیچه، ولسواللیکنینگ امنیه قوماندانی قوشیمچه 35 کیشی دولت قوراللی مخالفلری تامانیدن حبسگه آلینگن. ایتیلیشیچه، جنگریلر آرقهلی قولگه آلیگنلردن 12 تهسی هلاک ایتیلگن.
