افغانستانده سونگی نیچه کونده یوز بیرگن خودکش هجوملر بارهسیده عکسالعمل بیلدیرگن جمهور رییس غنی، پاکستان افغانستان بیلن صادق ایمس، هنوز هم او مملکت اوروش پیامی جونتهدی دیگن. جناب رییس جمهورگه کوره، افغانستان حکومتی اوشبو مددتگه قدر پاکستان تعهدلری عملی بولیشینی کوتردی، اما هنوز هم او مملکتده ترورچیلر مرکزی همده قورال ایشلب چیقاریش کارخانهلری فعال دیب، بو حقیقتن هم بیر قوشنی مملکت بیلن آچیق دشمنلیک دیر.
جمهور رییس، افغانستاننینگ بوندن کوپراق تینچ اهالیسینی قربان قیلیشنی چیده آلمیدی و کیلگوسی هفتهلرده پاکستان قراری افغانستان و پاکستان علاقهلرینی معلوم قیلهدی دیگن.
جناب غنی پاکستان دولتیدن کابلنینگ شاه شهید منطقهسیده یوزبیرگن حادثه کبی واقعه اسلام آباد ده یوز بیریب حادثه اصلی عامللری افغانستانده بولگن حالده، بیزنی دشمن خطاب قیلردینگیزمی یا دوست دیگن؟
جمعه کیچه کابلنینگ شاه شهید منطقهسیده یوزبیرگن پارتلشده 15 کیشی هلاک بولیب، تورت یوزدن آرتیق انسان یرهلنگن ایدی.
غنی، پاکستان طالبلرنی مذاکره میزیگه حاضر قیلیش اوچون موفق بولمهگن حالده، اولرنی اصلی مرکزینی او مملکتده نابود قیلیشیگه حرکت قیلیشی لازم دیگن.
جناب غنی، اوتگن کیچه پاکستان باش وزیری و ملی کوچلری باش قوماندانی بیلن قیلگن صحبتده اولر ترورچیلرگه قرشی کورهشیش اوچون عملی لایحه ایشلشلریدن سوز بیرگنلر. کیلگوسی هفته افغانستانلیک هئیت پاکستانگه سفر قیلیب لایحه قندهی عملی بولیشی بارهسیده بحث قیلیشی کوتیلهدی.
جمهور رییس، بیزنینگ خلق قتل ایتیلگن حالده، پاکستان بیلن بولگن علاقه معنا و محتواسینی قولدن بیرهدی دیگن.
شونینگدیک جمهور رییس پاکستان افغانستان بیلن اعلان قیلینمهگن اوروشنی باشلهگن دیگن و او اوتگن ییل نوامبر آییده پاکستانگه قیلگن سفرده اولرگه آچیق روشده تینچ لیکنی ایکی بعدی بار؛ یرهش پاکستان و طالب لر بیلن دیگن.
او، افغانستان باشقه مملکت یولی بیلن طالبلربیلن تینچلیک مذاکره قیلمیدی و تینچلیک مذاکرهلرنینگ ابتکاری افغانستان قولیده بولیشی لازم دیگن.
اشرف غنیگه کوره، پاکستان حربیلری مکتبیده صادر ایتیلگن هجوم او مملکت تاریخیده تکرار بولمهگن بیر حادثه ایدی، سونگی کونلرده افغانستان روی بیرگن حادثه ایسه بو مملکت تاریخیده مهم نقطه دیر.
غنی، پیشاروده صادر ایتیلگن هجومدن سونگ پاکستان نینگ ترورچیلردن بولگن تعریفی اوزگردی دیگن.
شونینگدیک جمهور رییس غنی عالی محکمه گه افغانستان خلقی همده ترورچیلربیلن مدارا قیلمسلیگی تینچلیکنی اوروش بیلن جواب بیرهدیگنلر قتیق جزالهنیشیگه حکم بیرگن.
اونگه کوره، افغانستان خلقی همده اهالیسینینگ قاتللری مملکت عالی محکهلری قانونی نظریدن تشقری ایمس اولر بوندن کیین قماقدن آزاد ایتیلمیدی. غنی ترورچیلرنی رویخطی تیارلهنیب اختیاریگه قوییلیشینی سورهگن
طالبلر هجومی دوامیده بوگون توشدن سونگ کابل خلق ارا هوا میدانی مقابیلیده پارتلش صادر ایتیلدی. اونینگ ایتیشیچه، افغانستاندهگی قرمه قرشی موضوع اسلام مسالهسی ایمس شرعیتنی ادعا قیله دیگنلر بونچهلیک گناهسیز خلقنی اولدیرمسلیگی لازم.
اشرفغنی سونگی هجوملرگه اشاره قیلیب ایتیشیچه، «وحشیانه» هجوملر تینچلیک مذاکرهلر اوچون افغانستان خلقی نینگ «مقدس اراده»سیگه زیان ییتکیزمیدی.
او، تینچلیک مذاکرهلر جریانی بوتونلی توختهتیلمهگن دیگن. اونگه کوره، افغانستان انسانیتگه ارزش بیره دیگن شخصلر بیلن تینچلیک مذاکره اوتکزهدی دیگن.
ییغین سونگی گپیرگن جمهور رییس افغانستان بیلن پاکستان اورتهسیدهگی اساسی معیار ملی منفعت و افغانستان اهالیسی نینگ امنیتی دیر. «بیزنینگ خلق قربان ایتیلگن حالده، علاقهلر معنا و محتواسینی قولدن بیرهدی».
عین حالده، بوگون دوشنبه وزیرلر کینگشیده سوزلشگن ملی بیرلیک حکومت اجراییه رییسی، افغانستانده جنایت همده اوروش نی دوام ایتیره دیگنلر برچهسی پاکستان دولتی تامانیدن جهازلهنیشلرینی ایتگن.
جناب عبدالله نینگ پاکستان سیاستی بارهسیده اشاره قیلیب ایتیشیچه، افغانستان حکومتی هر دایم اوز سوزلری همده حرکتیده ثابت بولیب، پاکستان بیلن متقابل سیاست اساسیده همده او مملکتدن ایچکی مسالهلرگه ارهلشمسلیگینی سورهگن دیگن.
