ییگیرمنچی اکتبر خلق ارا احصائیه کونی. اوشبو ییل بو کوندن دنیا بویلب «یخشی حسابات، یخشی حیات» عنوانی آستیده نشانلنهدی؛ اما، سنا مجلسینینگ ایریم اعضالری افغانستانده انیق رقم یوق لیگینی ایتگنلر.
سنا مجلسی بیرینچی اورین باسری محمد علم ایزدیار مملکت دولت ملازملرینی احصائیه مسالهسی اوچون سیاسی ارادهسی بولمهگنلیکده عیبلهگن.
باشقه تاماندن افغانستانلیک سناتورلردن عبدالباقی بریال مملکتده انیق احصائیه اینیسقه اقتصادی بولیمده معین حسابات بولیشی بیر احتیاج دیگن. اونگه کوره، کوپینچه دولت تامانیدن بیریله دیگن رقملر تقریبی دیر. او، اقتصادی برنامهلرنی تطبیق ایتیش اوچون انیق حساباتگه احتیاج بارلیگی توغریسیده تاکیدلهگن.
احصائیه مرکزی ادارهسینینگ اورین باسری حسیبالله نینگ سلاموطندارگه ایتیشیچه، بو اداره کوپینچه بولیملرده معین رقمگه ایگه. جناب موحد، مملکت جمعیت سانی بو ییل 28 میلیون 600مینگدن آشگن. او، اوشبو رقمدن 14 میلیون 667 مینگی ایرکک و 13 میلیون 933دن کوپراغی عیاللردن عبارت بولگن.
جناب موحد، افغانستان جمعیتی 14.5 فایزینی کودکلر، ایس بورونلر و 15یاشدن کیچیک بولگنلر تشکیل ایتهدی دیگن
عین حالده، سنامجلسی بیرینچی اورین باسری، بو یالغوز باش سنش ایمس، بلکه تورلی بُعدلر جملهدن تعلیم و تربیه، کیشیلیک کوچ و اقتصادی بولیملرنی اوز ایچیگه آلهدی دیگن.
مذکور سناتور افغانستان حکومتیدن بوندن بویان مملکت احصائیهسی اوستیده دقت بولیشینی سورهگن.
اجتماعی و حقوقی ایشلر بیلرمان شبنم سیمیانینگ ایتیشیچه، انیق حسابات بولمهگنی سیاسی قیینچیلیکدن علاوه دولت برنامهلرینی معمالرگه دوچار قیلهدی. سیمیا بانو، افغانستان دولتی هنوزگچه قیسی منطقهده قنچه اهالی استقامت قیلیشینی بیلمیدی و اوشبو منطقهلرده سوادلی و سوادسیزلر قنچهلیگی هم معلوم ایمس.
افغانستان احصائیه مرکزی نیچه ییلدن بیری افغانستان بویلب «اقتصادی، اجتماعی و دموگرافیک» اوستیده تیکشرو آلیب کیلماقده. هنوزگچه مذکور تیکشیرو افغانستان بعضی ولایتلری جملهدن کابلده عملی بولگن و بو لایحه 2018 ییلگچه دوام ایتیشی کوتیلهدی.
