تخار ولایتی نینگ اشکمش تومنیده اوچ کون آلدین طالبان نینگ هجومی نتیجه سیده گروهی شکلده هلاک ایتیلگن خوفسیزلیک کوچلری یقین لریدن بیرقطاری نینگ ایتیشیچه، طالبان گروهی عسکرلرنی اولدیرگندن سونگ، جسدلرینی اوت بیرگن.
تخار ولایتی نینگ اشکمش تومنیده اوچ کون طالبان تامانیدن اویوشتیریلگن هجوم ده پروان ولایتی نینگ بیر تومنیدن بولگن کمیده 20 عسکر هلاک ایتیلگن و اولرنینگ جسدلری پروان گه انتقال بیریلیب و توپراققه تاپشیریلدی.
هلاک ایتیلگن عسکرلرنی یقین لریدن بیرقطاری نینگ ایتیشیچه، طالبان گروهی قرینداشلری نینگ اولدیریلگندن سونگ، جسدلرینی اوتگه یاندیرگن و یامان شکلده اولر بیلن یاندهشگن.
تخار ولایتی نینگ اشکمش تومنیده یوز بیرگن واقعه ده هلاک ایتیلگن نظمعامه عسکرلرینی یقینلریدن ایکی کیشی غلام فاروق و فهیم، یوز بیرگن واقعه دن اچیق و اچینرلی حکایهلر قیلیشگن.
عین حالده، پروان مدنی فعاللری و محلی حکومت رسمیلری، هلاک ایتیلگن عسکرلر اوچون فاتحه مراسمی اوتکزیب و مراسمده اشتراک قیلگن نمایندهلر کینگشی باشلیغی نینگ حضوریده، 10 مادهلیک بیر شرطنامه صادر قیلیب و بو واقعه جدی شکلده تیکشیریلیشی نی طلب قیلیشگن.
پروان بویوکلریدن عبدالظاهر سالنگی، نمایندهلر کینگشی اعضالریدن بو موضوع ایرته نمایندهلر کینگشی نینگ عمومی ییغینیده خوفسیزلیک ادارهلری نینگ مسؤوللرینی حضوریده تیکشیریلیشی توغریسیده امید بیلدیرگن. هلاک ایتیلگن عسکرلرنینگ فاتحه مراسمیده اشتراک قیلیشگن دین عالملریدن بیرقطاری نینگ ایتیشیچه، انسان مخلوقات نینگ شرفلیسی دیر و مسلمانلرنینگ جسدلری بیلن یامان شکلده یاندهشیش شرعی نقطهی نظردن حرام دیر.
تخار ولایتی نینگ اشکمش تومنیده 3 کون آلدین یوز بیرگن واقعهده نظمعامه عسکرلریدن 38 تهسی هلاک ایتیلگن و اولردن 18 تهسی پروان ولایتی نینگ جبلالسراج تومنیدن بولگن.
