نماینده‌لر مجلسی‌نینگ اوتگن هفته آلگن قراری اساسی‌ده نماینده‌لر مجلسی‌نینگ اعضالریدن عبدالرحیم ایوبی فسادگه قولی بار نماینده‌لر نامینی فاش قیلیشی کوتیلردی، اما مجلس‌گه کیلگن‌دن سونگ تالارنینگ یاپیق ایشیک‌لریگه روپه ره بولگن.
بوگون ایرتلب (شنبه) جناب ایوبی ییغین‌گه مجلس‌گه کیریش بیلن فسادگه قولی بار نماینده‌لر نامنی فاش قیلینیشی‌نی تیل‌گه آلگن. اونینگ عاموی اخبارات واسطه‌لریگه ایتیشیچه، مجلس تالاری ایشیک‌لری‌نینگ یاپیق‌لیگی نماینده‌لر فسادگه قولی بولگن همکارلری اسمی فاش ایتیلیشی‌نی ایستمه‌گن‌لر.
جناب ایوبی، اوتگن هفته پارلمان‌نینگ عمومی ییغینی‌ده نماینده‌لر مجلسی نینگ بعضی اعضالری اداری فسادگه قولی بارلیگی‌نی ادعا قلیلگن ایدی. اونگه کوره، کابینه وزیرلری مجلس تامانیدن چقیرتیریلگن حالده، قطار نماینده‌لر پاره آلیش بیلن امضالرینی قیتریب نتیجه‌ده مجلس‌نینگ ییغینلری نتیجه‌سیز اوز نهایه‌سی‌گه ییته‌دی.
اما، قطار نماینده‌لر جناب ایوبی نینگ سوزلریگه اشاره قیلیب، بونده‌ی اظهار نظرلر نماینده‌لرنینگ بدنام لیگی‌گه باعث بوله‌دی.
شونینگ‌دیک نماینده‌لر مجلسی‌نینگ رییسی عبدالرووف ابراهیمی هم اوتگن هفته ایوبی‌گه مجلس‌نینگ بوگونکه ییغینی‌ده فسادگه قولی بولگن نماینده‌لرنی فاش قیلیش اوچون حجت و گواه‌لری تیارلش‌گه بویورگن ایدی.
عین حالده، مجلس‌نینگ ایریم نماینده‌لری مجلس باشلیغی همده ایکینچی اورین باسری‌نینگ خارج‌گه سفر قیلیشی و بیرینچی اورین باسرنی ننگرهارگه کیتیشی تالار ایشیک‌لری یاپیق‌لیگی اوچون بیرینچی سبب لردن بولگن.
تالار ایشیک‌لری یاپیلگن لیگینی تنقیدیلگن پارلمان اعضالریدن شیرولی وردک‌نینگ ایتیشیچه، اداری هیات تامانیدن مجلسنی بونده‌ی مدیریت ایتیلیشی اهالی همده نماینده‌لر منفعتی‌گه ایمس. اونگه کوره، اداری هیات بوگون ییغین اوتکزیلیشی اوچون سعی وحرکت قیلیشی ضرور ایدی.
شونینگ‌دیک نماینده‌لر مجلس اعضالریدن عبدالقیوم سجادی‌نینگ بیلدیریشیچه، حاضرگی وضعیت‌ده مذکور اداره فعالیت‌نی توخته‌تیب نماینده‌لر سیس چیقاریلیش‌گه توسیق بولمس‌لیگی کیره‌ک ایدی. سجادی‌گه کوره، مملکت یوزلب قیین‌چیلیک‌که روپه ره و عمومی ییغین‌نی اوتکزیلمیس‌لیگی مملکت‌ده بحران موجودلیگی‌نی اثبات قیله‌دی.
ایوبی تامانیدن فسادگه قولی بولگن نماینده‌لرنی اسمی فاش ایتیلیشی بوندن آلدین هم پارلمان‌نینگ قطار اعضالری همکارلرینی اداری فسادگه قولی بارلیک‌که عیبله‌گن ایدی.
بیرینچی مرته سابق مالیه وزیری عمر زاخیل‌وال، نماینده‌لر مجلسی‌گه چیقیریلگن ده سمیع‌الله صمیم، ظاهرقدیر و لالی احمدزی‌لرنی قاچاق همده وزیرلیک‌دن بعضی ناقانونی ایستک‌لری بارلیگی‌نی فاش ایتگن ایدی. شونینگ‌دیک سابق ایچکی ایشلر وزیری مجتبی پتنگ پارلمان قطار اعضالرینی فسادگه قولی بارلیگی‌نی فاش ایتگن ایدی. اما، هنوزگچه هم نماینده‌لرنی فسادگه قولی بارلیگی‌نی اثباتلاووچی حجت ارایه ایتیلمه‌گن.
