سنامجلسی اعضالریدن بیرقطاری‌نینگ ایتیشیچه، سونگی کونلرده بیرقطارلر نظام‌گه قرشی تبلیغ قیلیشنی باشله‌گن. اولر بونده‌ی کیشی‌لردن مملکت دشمنی دیب ایسله‌دی.
سنامجلسی اعضالری، مذکور کیشی‌لر توتقونگه آلینیشی، شونینگ‌دیک استخبارات، عدلی و قضایی اداره‌لری تامانیدن قانون‌گه تاپشیریلیشینی سوره‌دی.
سنامجلسی، نظام‌گه قرشی تبلیغ‌لر کوپیگنی توغری‌سیده سوزیوریتکن بیرچاغده، جاری هفته باشلنیشی (شنبه کون) افغانستان بوییچه امیریکه قوشمه ایالت‌لر ایلچی‌خانه‌سی بیر خبرنامه ترقه‌تیب باشکینت‌ده امنیتی تهدیدلر کوپیگنی‌دن خبر بیرگن.
خبرنامه‌گه کوره، احتمال باریچه کابل‌ده بیرلشگن ملت‌لر تشکیلات نماینده‌لری، طالب‌لر هجومی‌گه روپه‌ره بوله‌دی.
سنامجلسی اعضالریدن بیری نثاراحمد حارث‌نینگ، (سه‌شنبه کون) مجلس ییغینیده ایتیشیچه، مذکور پیام مملکت یشاوچیلریدن بیرقطاری‌نینگ شخصی تلیفون‌لری‌گه هم یوباریلگن. او، امیریکه ایلچی‌خانه‌سی‌نینگ بو ایشینی حاضرگی شرایط‌ده «خطرلی» دیب بیله‌دی.
جناب نثارگه کوره، امیریکه قوشمه ایالت‌لری اوتکن 13 ییل‌ده مملکت یشاوچیلری‌نینگ حقی‌گه «جفا» قیلگن و حاضرهم یشاوچیلر ایچیده قورقینچ ایجاد ایتیش خصوصیده سعی و حرکت قیله‌دی. اونینگ اورغولشیچه، امنیتی کوچلر هر بیرتهدیدگه قرشی کوره‌شه‌آله‌دی.
شونینگ‌دیک سنامجلسی باشلیغی فضل‌هادی مسلم‌یارنینگ ایتیشیچه، هر تورلی تبلیغ یشاوچلر روحینی کوچسیزلنتیره‌دی، بو تبلیغ‌لر امیریکه ایلچی‌خانه‌سی یاکه باشقه اداره‌لر تامانیدن بولگن صورتده هم، خلق حقی‌گه جفا و عصیانچیلر اوچون یاردم سنله‌دی.
امنیتی وضعیت توغری‌سیده خواطرلر کوپیگن، طالب‌لر مملکت ایریم تومن‌لری اوستیگه هجوم اویوشتیرگن و شونینگ‌دیک امنیتی کوچلر مذکور گروه بیلن نیچه منطقه‌ده اوروشماقده. عین حالده، مملکت خوفسیزلیک رسمی‌لری، طالب‌لرگه قرشی کوره‌شیش خصوصیده، امنیتی کوچلر قادرلیگی‌دن ایشانچ بیره‌دی.
