مملکت مخابرات وزیرلیگی‌نینگ معلوم قیلیشیچه، پستی خذمت‌لرنی رواجلنتیریش، پسته خانه‌لرنی جهازلش و پست اوزگرتیریلیش مرکز ایجاد ایتیلیشی خصوصیده، ینگی لایحه‌لرنی قولگه آلگن و بو ایش اوچون، 5 میلیون دالر سرمایه یاتقیزگن.
مخابرات وزیرلیگی تخنیکی اورین باسری بریالی حسام، (یکشنبه کون) کابل ده (9- اکتبر) خلق ارا پست کونی‌دن نشانلش مراسم‌ده ایتیشیچه، مملکت مرکزی و باشقه شهرلریده شهری آدرس‌لرگه سیستم ایجاد ایتیلیشی، اوشبو وزیرلیک‌نی پستی خذمت‌لر رواجلنتیریلیشی خصوصیده باشقه لایحه‌لریدن بولگن. اونگه کوره، اوشبو لایحه‌لر کابل شهردارلیگی همکارلیگی‌ده تیارلنگن و عمل‌گه آشگن صورتده، پستی خذمت‌لر یخشی‌لنیشی ممکن.
جناب حسام‌گه کوره، اوتکن ایکی ییل‌ده 1.5 تریلیون دالر پستی خذمت‌لر تامانیدن افغانستان‌گه انتقال بیریلگن؛ بیراق تیلفونی ترماغلر ایش‌گه کیرگنی‌دن کیین، پستی خذمت‌لر یخشی صورتده رواجلنگن. اونینگ کوپه‌یتیریشیچه، کیله‌جک‌ده اوشبو بولیم عصری فن‌لر بیلن جهازلنه‌دی.
شونینگ‌دیک جناب حسام‌نینگ ایتیشیچه، اوتکن ییل 3.5 میلیون بسته افغانستان پستی خذمت‌لری تامانیدن تبادله بولگن. اونگه کوره، اوتکن ییل 153 میلیون افغانی و جاری ییل 9 آیی‌ده 227 میلیون افغانی شو بولیم‌دن دولت خزانه‌سیگه کیرگن.
مخابرات وزیرلیگی تخنیکی اورین باسری‌نینگ ایتیشیچه، افغانستان پست ترماغی پست جهانی بازارینی بیر بولیمی دیر و حاضر 5 ایچکی و خلق ارا شرکتی همکار صفتیده اوشبو ترماغ بیلن ایشله‌یدی.
پستی خذمت‌لر علاقه باغلش خصوصیده، ایسکی میراث‌لردن بیری بولگن، بیراق حاضرگه قدر یخشی صورتده ایش بیره‌دی.
خلق ارا پست بیرلیگی رقمی‌گه کوره، حاضر 192 دن آرتیق مملکت اوشبو بیرلیک‌که عضو دیر و اوشبو مملکت‌لر بویلب 640 مینگ پستی دفتر 5.4 میلیون ایشلاوچی بیلن فعالیت قیله‌دی. شونینگ‌دیک اوتکن ییل کمیده 370 میلیارد نامه و کیچیک بسته و دنیا بویلب 6.5 میلیارد بسته تبادله بولگن.
