چیگره بیلمس داکترلر تشکیلاتی اوتگن هفتهگی قندوز ولایتیده اوشبو تشکیلات کسلخانهسیده اوتکزیلگن هوایی هجومده قرشی، امیریکه، ناتو و افغانستان نینگ قیلگن تحقیقاتلریگه ایشانچ سیزلیکلرینی بیلدیرگن.
بو تشکیلات مقاماتی «بشردوستانه حقیقت تاپووچی بین المللی کمیسیون» ژنو کنوانسیونی چهارچوبهسیده، هرتامانلمه تحقیقات اوتکزیشینی سورهگنلر.
اوتگن هفته 10 میزان جمعه کیچهسی چیگره بیلمس داکترلر کسلخانهسی امیریکه کوچلری هوایی هجومیگه آلیندی. مذکور هجومده 10 کسل قوشیمچه 3 باله و کسلخانه 12 ایشلاوچیسی هلاک بولدی و باشقه 37 کیشی یرهلندی.
چیگره بیلمس داکترلر تشکیلاتی باشلیغیگه کوره، «جیپیاس» آرقهلی کسلخانه موقعیتی ناتو و افغانستان کوچلری تامانیدن معلوم قیلینشی بیلن هجوم اوتکزیلگن.
چیگره بیلمس تشکیلاتی داکترلری اوشبو هجومنی دهشتلی بیلهدیلر و بوبارهده ایرکین و انیق تیکشیروولر اوتکزیلیشلرنی سورهگنلر، تا امیریکه و افغانستان کوچلری تامانیدن ایتیلگن سوزلر راست یلغانلیگی انیق بولسه.
پنجشنبه کونگی کابلده اوتکزیلگن خبری اولتیریشده مذکور تشکیلات اعضالریدن بیری استوکس نینگ ایتیشیچه، امیریکه کوچلری تامانیدن هدف آلینگن ییرده هیچ ترورچی و طالب یوق ایکن.
اوشبو تشکیلات یازیب یوبارگن خبرنامهسیده: «قندوزدهگی اِماِساِف کسلخانهسی نینگ امیریکه کوچلری تامانیدن اوتکزیلگن هجومده بیزنینگ تشکیلاتیمیز ییریک هوایی تلفات بیرگن». دیب کیلگن.
شونینگدیک خبرنامهده کیلیشیچه، بو هجوم گینه چیگره بیلمس داکترلر اوچون ایمس ایدی، بلکیم ژنو کنوانسیونی هدفگه آلینگن؛ «مذکور کنوانسیون، اوروش قانونلرینی کنترول قیلهدی و تینچ اهالی- کسللر، ساغلیقنی سقلش ایشلاوچیلری و مکانلرنی اسرهش اوچون قوریلگن».
شونینگدیک خبرنامهده، چیگره بیلمس داکترلرگه قرشی هوایی هجوم اوتکزیش و کسلخانه ایشلاوچیلری و کسللرنی سقلش اوروشدن اجتناب قیلیش نتیجهسی ناتوغری بیرعمل دیر.
شونینگدیک بو تشکیلات امیریکه لیک کوچلرنینگ مذکور هجومده «جهانی بشردوستانه قانونینی» نقض قیلگن و باید دلیلینی بیلی قیلسه دیگن.
بوندن آلدین امیریکه جمهور رییسی باراک اوباما، ناتو کوچلری تامانیدن قندوز ولایتیدهگی چیگره بیلمس داکترلر کسلخانه سیده اوتکزیلگن هجومنی «قیغولی» بیلهدی و مدافعه وزیرلیگی بوبارهده تحقیقات اوتکزگنلیگی ایتیلهدی.
