بدخشان ولایتی کینگشی باشلیغی عبدالله ناجی نظری، سلاموطندار بیلن اوتکزگن صحبتیده ایتیشیچه، طالبلر اوشبو 18 عسکرنی وردوج اوروشیده توتقونگه آلگن و اوروشدن نیچه کون کیین، اولرنینگ باشینچی کیسگن.
جناب نظرینینگ ایتیشیچه، باشی کسیلگن عسکرلر، حربی کوچلر و نظمعامه پولیسیگه خذمت قیلر ایکن. اوشبو عسکرلرنینگ جانسیز تنهسی ایکی کون آلدین (سهشنبه) امنیتی کوچلرگه تاپشیریلهدی.
طالبلر جاری ییل باشلنگنیدن بویان، 40 دن آرتیق عسکرنی بدخشان ولایتی «جُرم»، «راغستان»، «وردوج» تومنلری و «پل علی مغلان» منطقهسیده باشینی کیسگن. جناب نظریگه کوره، امنیتی کوچلرنینگ باشینی کیسهدیگن قصابلر مملکت شمالیده جایلشگن چیچین و اویغور قوراللی گروهلری اعضالریدن بولگن.
ایتیلیشیچه، مملکت شمالیدهگی چیچین و اویغورلر کمیده 300 کیشیگه ییتیشهدی و دولتی کوچلرنی سلاخلیک قیلیش خصوصیده بیر تیم ایجاد ایتکن.
باشقه تاماندن، بدخشان ولایتی سرپرستی شاهولیالله ادیبنینگ ایتیشیچه، طالبلر کمیده بیر آی آلدین، بدخشان ولایتی جُرم تومنی خستک منطقهسی «دهن آب» اوروشیده 7 عسکرنی بیر کانتینر ایچیده تیریک یاندیرگن. جناب ادیبگه کوره، طالبلر برچه اعضالریگه اوروشده توتقونگه آلینگنلر باشی کیسیلیشیگه بویروغ بیرگن.
شوندهی بیرحالده، طالبلر بدخشان ولایتی وردوج تومنی شامل، بهارک، جُرم، راغستان، شهدا و کشم تومنلری ایریم منطقهلرینی اوز نظارتیگه آلگن.
