قندوز ولایتی امام صاحب تومنینینگ ولسوالی امامالدین قریشی اوشبو ولسواللیک طالبلر تصرفیگه اوتگنی بارهسیده خبر بیردی. جناب قریشیگه کوره، قوراللی طالبلر اوشبو ولسواللیکنی اوز اشغاللریگه آلگندن تشقری آبدان دشتینی هم اوز کنترولیگه آلگن و افغان ملی کوچلری ایسه شیرخان بندر تامان حرکت قیلگنلر.
باشقه منبعلر هنوزگچه امام صاحب ولسواللیگی جنگریلرگه تصرفیگه اوتگنی بارهسیده هیچ نرسه دیمهگنلر.
سلاموطندارنینگ قولگه کیریتگن گزارشیده، بوگون ایرتلب (چهارشنبه) قندوز ولایتی بالاحصار منطقهسینی نیچه ساعت اوروشدن کیین طالبلر نظارتیگه اوتگن.
ملی کوچلر همده محل یشاووچیلریگه کوره، اوشبو منطقه بوندن نیچه کوندن بیری سوو، آذیق آوقت و حربی جهاز تنقیسلیگیگه روپه ره بولگن و مرکزی حکومت هم اوشبو ولسواللیک سقوط قیلیشی اوچون اعتبار بیرمهگن.
طالبلر بوندن ایکی کون اول (دوشنبه، 6- میزان) قندوز شهریگه نیچه تاماندن هجوم اویوشتیریب نهایتده ولایت مرکزینی تصرف قیلیشگه موفق بولدی.
شونینگدیک امنیتی رسمیلرنینگ جنگریلر هجومی بارهسیده گپیریشلریچه، قندوزگه طالبلرنی هجوم قیلیشی توغریسیده آلدیندن خبرلری بولگن، لیکن حکومت رهبرلری عملیات قیلیش اوچون بویروغ بیرمهگن.
عین حالده، تخار ولایتی نینگ اشکمش، خواجه غار، ینگی قلعه و درقد ولسواللیکلریده هنوز هم ملی کوچلری بیلن جنگریلر اورتهسیده اوروش دوامی بارلیگی ایتیلهدی. بیراق اوروش تلفاتی حقیده هنوز انیق معلومات بیریلمهگن.
