سنامجلسی نمایندهلریدن بیرقطاری، عدلی و قضایی ادارهلریدن 18 یاشر اوگهی قیزیگه جنسی زورلهگن قاضینینگ قتیق صورتده جزالشینی سورهدی.
اوشبو سناتورلر چهارشنبه کون اوتکزگن ییغینیده، سمنگان ولایتی محکمهسی سابق باشلیغی قاضی تورگلنینگ بو ایشینی غیر انسانی عمل و اسلام دینیگه قرشی دیگنلر.
سنامجلسی باشلیغی فضلهادی مسلمیارنینگ ایتیشیچه، بو قضیهنی عدلی و قضایی ادارهلریگه تاپشیریلیشی لازم و سنامجلسی قضیهنی جدی صورتده تیکشیرهدی.
سمنگان ولایتینینگ پولیسیگه کوره، قاضی تورگل 18 یاشر اوگهی قیزیگه جنسی زورلشگه عیبلنیب توتقونگه آلینگن.
سمنگان ولایتی پولیس رسمیلریگه کوره، قاضی تورگل اوچ ییلدن بویان اوگهی قیزی اوستیگه جنسی زورلهگن و بو قیزنینگ حاضر بیر اوچ یاشر بالهسی بار، شونینگدیک بو قیزنینگ قارنیگه باشقه بیر آلتی آیلیک بالهسی بار دییدی.
سمنگان پولیس قومندانلیگی سوزلاوچیسی منیراحمد رحیمینینگ سلاموطندارگه ایتیشیچه، قاضی تورگل اوشبو قیزنینگ آنهسی شکایتی اساس، 29- سنبله یکشنبه کون کیچ قورون ولایت پولیسی تامانیدن توتقونگه آلینگن.
بیراق، سمنگان ولایت کینگشی نمایندهسی محمدهاشم سرورینینگ واقعهنی تأیید قیلیب ایتیشیچه، مذکور قیز قاضی تورگل اوییدن قاچیب، اوزی سمنگان پولیس قومندانلیگیگه شکایت قیلگن.
اوشبو یاش قیز حاضر سمنگان ولایتیده حیات کیچیرهدی و عدلی و قضایی ادارهلردن اوگهی آتهسینینگ قتیق صورتده جزالشینی سورهیدی.
