افغانستان جمهور رییسی محمداشرف غنینینگ ایتیشیچه، حاضر مملکتده بیر میلیون غیرقانونی اوی موجود.
جمهور رییس غنی دوشنبه کون، افغانستان شهرلر وضعیتی توغریسیده گزارش بیریش ییغینده جمهورلیک سراییده سوزگه چیقیب ایتیشیچه، افغانستاننی اوتکن نیچه دههده شهری لایحهسی یوق ایکن و شهرلر اقتصادی رول اوینهگنی اورنیده کته قیینچیلیککه اوزگرگن.
جناب غنی شهرلر وضعیتی توغریسیده گزارش ترقهتیشنی اونملی بیلیب ایتیشیچه، اوشبو گزارشگه اساس، مملکت شهردارلیگی شهرلردن توغری رقم قولگه کیریتهدی.
شونینگدیک، جمهور رییسنینگ ایتیشیچه، جمهور رییس بولگنیدن بویان شهرلر توغریسیده دقت قیلگن و حاضر قولگه آلینگن لایحهلرنی عملگه آشیریش زمانی کیلگن. اونگه کوره، قربان بیرهمیدن کیین، آیده 16 مینگ اوینی رویخطگه آلهدی و باشکینت یشاوچیلری بیلن معیاری شهر قوریش خصوصیده بحث اوتکزهدی.
غنینینگ کوپهیتیریشیچه، بو گزارشده، افغانستان شهرلریدهگی برچه اویلر، قمر مصنوعی آرقهلی معلوم بولگن.
شونینگدیک جمهور رییس، کیلهجکده برچه وزیرلیکلر کابل دارالامان منطقهسیده انتقال بیریلیشیدن خبر بیردی.
شونینگدیک، شهر قوریش وزیری سیدسعادت منصور نادری، بو اولتیریشده سوزگه چیقیب ایتیشیچه، اوشبو گزارش توغری رقمنی ملی و خلق ارا ادارهلر اختیاریده قویهدی
جناب نادرینینگ ایتیشیچه، شهر قوریش وزیرلیگی یوزکونلیک لایحهلری عملگه آشیریلیشی توغریسیده خواجه رواش بیرینچی زنتلی فازی آچیلیشی خصوصیده جمهورلیک ریاستیگه گزارش بیرگن. او، شونینگدیک یقینده خوشحالخان رهایشی لایحهسی آچیلیشیدن خبر بیردی.
بو اولتیریشده، افغانستان کیلهجکی «شهری» دییلگن و بونگه اساس، میلادی 2060- ییلگچه هر ایکی افغان یشاوچیسیدن بیری شهرده یشهیدی. افغانستان شهرلر وضعیتی توغریسیده بیریلگن گزارش اصلی مقصدی، قیشلاقلردهگی لرنی توغری صورتده، شهرلرگه انتقال بیریش دییلگن.
افغانستان شهرلر وضعیتی توغریسیده بولگن گزارش، استرالیا مملکتی و بیرلشگن ملتلر تشکیلاتی بشری اورین لایحه (UN-HABITAT) حمایتی بیلن نشر ایتیلگن.
اوشبو ییغینده، محلی ارگانلر باشلیغی جیلانی پوپل، شهر قوریش وزیری سیدسعادت منصور نادری، کابل بلدیه سرپرستی، استرالیات ایلچیخانهسینینگ نمایندهسی و بیرلشگن ملتلر تشکیلاتی بشری اورین لایحهسی نمایندهلری اشتراک ایتکن.
