افغانستان ایرکین میدیالریدن حمایت ایتووچی اداره «نی» رسمی‌لری‌نینگ ایتیشیچه، ملی بیرلیک حکومت تشکیل ایتیلگنی‌دن کیین، ایرکین بیانات سابق حکومت‌گه قره‌گنده یمان بولگن. اوشبو اداره باشلیغی عبدالمجیب خلوتگرنینگ سلام‌وطندار بیلن اوتکزگن خاص صحبتیده ایتیشیچه، خبرچیلر برابریده صادر ایتیلگن قیسقرتمه‌لر، اوتکن ییل‌لرگه قره‌گنده کوپیگن.
میدیا اداره‌لری و خبرچیلر حقوقی‌دن دفاع قیلووچی اداره‌لر، اوتکن ییل اشرف غنی و عبدالله عبدالله‌گه خبرچیلردن حمایت ایتیش خصوصیده شرط قویگن ایدی. اوشبو 12 ماده‌لیک شرط‌نامه‌ده ایرکین بیانات و معلومات ایله‌نیشی توغری‌سیده سوز یوریتیلگن و حکومت‌نی بو ماده‌لردن جدی صورتده حمایت ایتیش‌گه مجبور قیلگن ایدی.
بیراق، ملی بیرلیک حکومت تشکیل ایتیلگنی‌دن کمیده بیر ییل اوته‌دی، میدیا اداره‌لری ملی بیرلیک حکومت ایشی‌دن ایرکین بیانات توغری‌سیده شبهه‌لنیب و اونی خواطرلی‌دیب بیله‌دی.
جناب خلوتگر، حکومت‌دن معلومات‌گه قول تاپیش قانونی‌نینگ عمل‌گه آشیریشی و معلومات ییتکیزیش خصوصیده برچه خبرچیلرگه زمینه یره‌تیشینی سوره دی. اونینگ ایتیشیچه، سونگی اون آی‌ده خبرچیلرگه قرشی قیناق‌لیک جدی شکلده کوپیگن و اونی یانیده، معلومات ییتکزیش فضاسی قیسقرگن.
نی اداره‌سی باشلیغی، ملی بیرلیک حکومت تشکیل ایتیلگنی‌دن کیین، صادر ایتیلگن قیسقرتمه‌لردن بیری امنیتی معلومات دیب ایتیشیچه، امنیتی اداره‌لردن هیچ بیری معلومات ییتکزیش خصوصیده، خبرچیلرگه یاردم بیرمه‌یدی.
هشت صبح کونده‌لیگی خبرچیسی ظفرشاه رویی‌نینگ سلام‌وطندارگه ایتیشیچه، خبرچیلر وضعیتی کون اوتیشی بیلن یمان بولماقده. دیمک جمهور رییس غنی، بیرینچی کون ایشلری جریانیده، معلومات‌گه قول تاپیش قانونی‌نینگ تصدیق‌له‌دی، بیراق حاضر برچه نرسه بو قانون‌گه قرشی حرکت قیله‌دی.
بیراق، اجراییه ریاستی سوزلاوچیسی اورین باسری جاوید فیصل‌نینگ سلام‌وطندار بیلن اوتکزگن صحبتیده ایتیشیچه، ملی بیرلیک حکومتی خبرچیلردن دفاع قیلیش خصوصیده بیرگن سوزی اوستیگه توخته‌گن و ایرکین بیانات‌نی اصول‌لریدن بیری دیب بیله‌دی. جناب فیصل، بیرقطار سوزلاوچی‌لر ایش سیزلیگی‌نی قبول ایته‌دی، بیراق حاضرگی آلتی آی‌نی اوتکن 13 ییل‌گه ماسلشتیریشینی بجا بیلمه‌ی ایتیشیچه، حاضرگی حکومت میدیالردن حمایت ایتیش خصوصیده کته آدیم‌لر کوترگن و اولردن بیری معلومات‌گه قول تاپیش قانونی‌نینگ تصدیق‌لش دیر.
انچه پیت آلدین، ملی امنیت کینگشی، مملکت بویلب برچه امنیتی سوزلاوچی‌لرگه میدیالر بیلن صحبت اوتکزمس‌لیک و اولر بیلن معلومات‌نی شریک قیلمس‌لیگی توغری‌سیده بویروغ بیریب؛ جاییده میدیالر برچه امنیتی معلومات‌لرنی کابل‌ده ایچکی ایشلر وزیرلیگی سوزلاوچیسی‌دن قولگه کیریته‌آله‌دی دیگن ایدی.
نیچه کون آلدین، ملی امنیت اداره‌سی ملی امنیت کینگشی بویروغی بیلن، ایکی خبرچی‌نینگ «کابل تاکسی» فیسبوک صحیفه‌سینی باشقریش‌گه عیب‌لب سوراق‌لگن ایدی.
«نی» دفتری تامانیدن بیریلگن رقم‌گه کوره، ملی بیرلیک حکومت تشکیل ایتیلگنی‌دن بویان، خبرچیلرگه قرشی یوزبیرگن 105 قیناق‌لیک روی خطگه آلینگن و شونینگ‌دیک، تورت خبرچی هلاک بولگن.
